Aqmola oblysynda poliseiler syrt kiımsız aiazda adasyp qalǧan azamatty qūtqardy, dep habarlaidy «Adyrna» tılşısı.
PD mälımetınşe, jergılıktı dämhanalardyŋ bırınen polisiianyŋ kezekşı bölımıne qoŋyrau tüsken.
«Merekelık keşte qonaqtardyŋ bırı syrt kiımsız, bır jeidemen dalaǧa şyǧyp ketken. Sol sätte dalada qatty aiaz bolǧan. Uaqyt joǧaltpai polisiia qyzmetkerlerı ızdeu jariialap, Būlandy audandyq polisiia bölımınıŋ jeke qūramyn dabyl boiynşa köterdı. Izdeu jūmystary bırneşe köşe men aulalarda qatar jürgızıldı. Aua temperaturasy –30 gradustan tömen tüsıp, er adamnyŋ aua raiyna sai kiınbegenı poliseilerdı qatty alaŋdatty»,- delıngen habarlamada.
Köp ūzamai joǧalyp ketken azamattyŋ Şuchinsk qalasynyŋ tūrǧyny ekenı jäne merekelık şaraǧa kelgenı anyqtaldy. Aldyn ala mälımet boiynşa, alkogoldık ışımdık ışkennen keiın ol adasyp, belgısız jaqqa ketıp qalǧan. Ekı saǧatqa sozylǧan qarqyndy ızdeu jūmystary nätijesınde er adam audan köşelerınıŋ bırınen toŋyp qalǧan ärı şok küiınde tabyldy.
Poliseiler oǧan alǧaşqy medisinalyq kömek körsetıp, jylytyp, jaqyndaryna jetkızgen. Keiın qūtqarylǧan azamat polisiia qyzmetkerlerıne alǧys bıldırıp, beineündeu jazǧan. Ol ekstremaldy aua raiy jaǧdaiynda ömırın saqtap qaluǧa däl osy polisiia qyzmetkerlerınıŋ jedeldıgı men beijai qaramauy sebep bolǧanyn atap ötken.
