Respublika künı qarsaŋynda Kökşetau qalasynda «Taza Qazaqstan» jalpyūlttyq ekologiialyq bastamasy men abattandyru ailyǧy aiasynda jaŋa qoǧamdyq keŋıstık – «Bırlık» saiabaǧy saltanatty türde aşyldy. Qalalyq jaǧalauǧa jaqyn, Dostyq üiınıŋ maŋynda ornalasqan jasyl aimaq tūrǧyndardyŋ seruendep, demaluyna arnalǧan keŋıstıktı keŋeitıp, qalanyŋ bıryŋǧai jaiau jürgınşıler aimaǧyn tolyqtyrdy.
Saiabaqtyŋ aşylu saltanatynda igı dästürdıŋ negızı qalanyp, öŋırdıŋ klimattyq jaǧdaiyna beiımdelgen 80 tüp sändık aǧaş köşetı men köpjyldyq şöp otyrǧyzyldy.
Aqmola oblysynyŋ äkımı Marat Ahmetjanov öŋırde jüzege asyrylyp jatqan kögaldandyru jūmystary turaly aityp öttı. «Biyl öŋırde 2,8 myŋ gektar aumaqqa 16 millionǧa juyq köşet otyrǧyzyldy. Soŋǧy bes jylda 11 myŋ gektar jerge 74 million aǧaş egıldı. Aldaǧy kezeŋde otyrǧyzylatyn köşetterdıŋ jalpy sanyn 150 millionǧa jetkızudı josparlap otyrmyz», – dedı oblys äkımı.
Sondai-aq öŋır basşysy Kökşetaudaǧy «Kök şalǧyn», «Jaŋa jaǧalau» jäne Şuchinskıdegı «Ūmai ana» saiabaqtary sekıldı jaŋa demalys aimaqtaryn qūruǧa baǧyttalǧan maŋyzdy jobalarǧa toqtaldy. Bügınde būl oryndar tūrǧyndar men öŋır qonaqtarynyŋ süiıktı demalys oryndaryna ainalyp keledı.
Būdan bölek, oblys äkımı ekologiialyq mäselelerdı şeşu jäne qaldyqtardy basqaru infraqūrylymyn damytu jönındegı josparlarmen bölıstı.
«Bırınşı toqsanda qaldyqtardy tereŋ öŋdeitın üş zauytty ıske qosudy josparlap otyrmyz. Onyŋ bırı Kökşetauda jylyna 70 myŋ tonna, al Zerendı jäne Burabai audandaryndaǧy zauyttar ärqaisysy 40 myŋ tonna qaldyq öŋdei alady. Būl kurorttyq aimaqta jinalatyn qoqysty tolyq öŋdeuge jäne keiın ony halyq şaruaşylyǧynda qaita paidalanuǧa mümkındık beredı», – dep atap öttı öŋır basşysy.
Jaŋa «Bırlık» saiabaǧy qalanyŋ jasyl aimaqtar jüiesın tolyqtyryp qana qoimai, ekologiialyq mädeniet pen qoǧamdyq kelısım qūndylyqtaryn toǧystyrǧan maŋyzdy orynǧa ainaldy.
Qazaqstan Halyq Keŋesınıŋ müşesı Alena Malkova-Solopova atap ötkendei, mūndai qoǧamdyq keŋıstıkterdı qalyptastyrudyŋ tärbielık mänı zor.
«Dostyq üiınıŋ janynda osyndai saiabaqtardyŋ aşyluy tuǧan ölkenı aialau men ony taza ūstauǧa degen ūmtylysymyzdyŋ jasyna da, käsıbıne de qaramastan barşamyzdy bırıktıretının körsetedı. Jastar men türlı etnos ökılderınıŋ bırge aǧaş otyrǧyzuy öskeleŋ ūrpaqtyŋ boiynda şynaiy patriotizmdı, tabiǧatqa degen janaşyrlyqty jäne ortaq üiımızdıŋ bolaşaǧyna ärqaisymyz jauapty ekenımızdı sezınudı qalyptastyrady», – dedı ol.
Osyndai igı ekologiialyq bastamalar Aqmola oblysynyŋ barlyq öŋırınde jalǧasuda. Audandar men qalalarda senbılıkter men abattandyru jūmystary ūiymdastyrylyp, tazalyq ailyǧy aiasynda tuǧan ölkenıŋ körkeiuıne baǧyttalǧan köptegen paidaly ıs jüzege asyryluda.
