Qostanaı halyqaralyq áýejaıy taǵy da aýkıonǵa shyǵaryldy, dep habarlaıdy "Adyrna" tilshisi.
Ahmet Baıtursynov atyndaǵy Qostanaı halyqaralyq áýejaıy jekeshelendirilmek. Nysan osy ýaqytqa deıin eki ret aýkıonǵa shyǵarylǵan bolatyn.
2018 jylǵy aýkıonnan soń áýejaı respýblıkalyq balanstan oblys ákimdiginiń balansyna berildi. Odan keıin ǵımarattyń ózi de, ushý-qoný jolaǵy da jóndeýden ótti.
Qarjy basqarmasynyń aqparatynsha qazir ákimdik nysandy naqty qalaı jekeshelendirý týraly máseleler talqylanyp jatyr.
"Memlekettik múlikti ıelikten shyǵarýdyń kóptegen joly bar. Satyp alý quqyǵymen senimgerlik basqarýǵa berilýi múmkin, tender nemese aýkıonda birneshe jolmen satylymǵa shyǵarylýy múmkin. Iaǵnı memlekettik organdardan jergilikti deńgeıde memlekettik komıssııa qurylyp, osy úsh ádistiń birin bekitý sheshimi shyǵarylady", - deıdi Qostanaı oblysy ákimdiginiń qarjy basqarmasynyń basshysy Alma Júsipova.
