Almaty polisiiasy äuejaida äieldı tūtqynǧa alǧan er adamnyŋ būǧan deiın avtobus ışınde qyzdy ūryp-soǧu oqiǧasyna qatysty qylmystyq ıs boiynşa sottalǧanyn rastady. Būl turaly «Za nami uje vyehali» Telegram-arnasy jazdy, dep habarlaidy “Adyrna” ūlttyq portaly.
«Almaty qalalyq polisiia departamentı ekı oqiǧada da bır adamnyŋ aty-jönı atalyp ötkenın aitty. Būryn habarlanǧandai, avtobus ışındegı oqiǧadan keiın Almaty qalalyq polisiiasynyŋ Almaly audandyq bölımınde qylmystyq ıs qozǧalǧan. Küdıktı ūstalyp, uaqytşa ūstau izoliatoryna qamalǧan. Sot tergeu kezeŋı üşın kepıldık retınde üiqamaqqa alu turaly şeşım qabyldaǧan», - dep habarlady Almaty polisiia departamentınıŋ baspasöz qyzmetı.
2024 jyldyŋ jeltoqsanynda sot er adamdy bır jylǧa bostandyqty şekteu jazasyna kesken.
Eske sala ketsek, bügın Almaty äuejaiynda belgısız er adam qyz balany kepıldıkke alyp, ony pyşaqpen qorqytqan bolatyn. Qylmyskerdı der kezınde sol jerdegı azamat ūstady. Qaru qoldanu faktısı boiynşa qylmystyq ıs qozǧalǧan. Qylmyskerdı ūstaǧan er adamdy prezident Qasym-Jomart Toqaev memlekettık nagradaǧa ūsynudy tapsyrdy.
