Jaŋa jyldyq keşke jospar qūryp ülgerdıŋız be? Qaida qarsy alamyz? Qandai taǧam äzırleimız? Eŋ bastysy – ne köremız?
Jaŋa jyl – är otbasy üşın ǧajaiyp pen şattyqqa toly meiram. Būl kündı äserlı ärı este qalarlyqtai ötkızu üşın «Qazaqstan» telearnasy körermenge arnap arnaiy merekelık baǧdarlamalar legın daiyndady.
Jyldyŋ basty keşı – «Jaqsylyqpen kel, Jaŋa jyl – 2026!» şou-konsertı 31 jeltoqsan künı saǧat 21:00-de efirge şyǧady.
Arna jürgızuşılerı men tanymal öner ielerı, är salanyŋ ökılderı qatysatyn būl joba körermenge tosynsyiǧa toly erekşe köŋıl-küi syilaidy. Merekelık konsertte elımızdıŋ tanymal estrada änşılerı men zamanaui muzyka ökılderı öner körsetedı. Olardyŋ qatarynda Maqpal Jünısova, Roza Rymbaeva, «Dos-Mūqasan» toby, Meirambek Besbaev, Äli Oqapov, Madina Säduaqasova, Hulan Aru, Bayansulu bar.
Keştıŋ körkın halyqtyŋ süiıktı akterlerı Jūldyzai Düisenbieva, Jüsıp Aqşora, Qaraköz Tıleubekova aşa tüsedı. Al merekelık keşke aqyn Ūlyqbek Esdäulet, kompozitor Tölegen Mūhamedjanov jäne el damuyna eleulı üles qosqan eŋbek adamdary qūrmettı qonaq retınde şaqyrylǧan.
Basty merekelık şou-konsertten bölek, 31 jeltoqsan künı saǧat 19:10-da «Qazaqstan» teleradiokorporasiiasy tüsırgen 4 bölımdı jaŋa jyldyq otbasylyq telehikaia efirge şyǧady. Otbasy qūndylyqtary, meiırım men mahabbat, köŋıldı oqiǧalarǧa toly telehikaia Burabai ūlttyq tabiǧi parkı men Astana qalasynda tüsırılgen.
Jaŋa jyl merekesı men qysqy demalys künderı «Disney» filmderınıŋ aptalyǧy ötedı. 27 jeltoqsan men 5 qaŋtar aralyǧynda «Aŋdar şahary», «Rapunsel», «Moana», «Meiırımdı dinozavr», «Mūzdy ölke», «Mūz däuırı», «Avatar», sondai-aq aŋyzǧa ainalǧan «Üide jalǧyz qalǧanda» komediiasy efirden körsetıledı.
Sonymen qatar 27 jeltoqsan künı saǧat 20:00-de «Ūnaidy maǧan» kaver-şouynyŋ jaŋa jyldyq arnaiy şyǧarylymy körermen nazaryna ūsynylady. Baǧdarlamada 24 oryndauşy men qazaq estradasynyŋ tanymal änşılerı süiıktı hit änderın oryndaidy.
Jaŋa jyldyŋ alǧaşqy künderı de äserlı muzykalyq jobalarǧa toly. 1 qaŋtar künı saǧat 21:00-de uaqyttyŋ tezınen ötıp, köŋıl törınen oryn alǧan äuender şyrqalatyn «Saǧyndyrǧan änder-ai» än keşı efirge şyǧady. Al 3 qaŋtar künı saǧat 17:10-da änşı Abik Jeksennıŋ jandy dauystaǧy jeke konsertı körermenge erekşe köŋıl-küi syilaidy.
Otandyq kinotuyndylardy süiıp tamaşalaityn körermen üşın mereke künderı «Jūmbaq qyz», «Jar-Jar», «Türkiiadaǧy qazaqşa biznes», «Taqiialy perışte», sondai-aq «Biık sezım», «Baidyŋ balasy» jäne «Körşıler» otbasylyq komediialary körsetıledı.
2026 jyldy «Qazaqstan» telearnasymen bırge qarsy alyŋyz!
