"Jemqorlyqqa jol joq": Qyrǵyzstan prezıdentiniń jıeni 8 ret júrgizýshi kýáligin alýǵa ótinish berdi

2534
Adyrna.kz Telegram

Qyrǵyzstan prezıdentiniń jıeni segizinshi ret júrgizýshi kýáligin alýǵa tyryspaqshy. Bul týraly Sadyr Japarovtyń ózi málimdedi, dep jazady "Adyrna" ulttyó portaly.

Ol týysqanynyń kezekti emtıhanǵa daıyndalyp jatqanyn atap ótip, osy saladaǵy sybaılas jemqorlyqqa jol berilmeıtinin atap ótti.

Belgili bolǵandaı, júrgizýshi kýáligin berý qurylymyn Prezıdenttiń ózi jeke baqylaıdy. Japarov júrgizýshi kýáligin satý jaǵdaılary týraly biletinin moıyndady. Keıbir sheneýnikterdiń, ásirese, "quqyq qorǵaý organdarynda jumys isteıtinder týystary men jaqyndaryna júrgizýshi kýáligin alyp beretinin" de habardar ekenin málimdedi.

Onyń pikirinshe, munyń bári jazataıym oqıǵalar men jazyqsyz qurbandarǵa ákeledi. Al «túrli sybaılas jemqorlyq shemalaryn jasap, memlekettik qyzmetti tabys kózi dep sanaıtyndarǵa aıaýshylyq bolmaıdy», - dep qorqytty Qyrǵyzstan Prezıdenti.

"Adyrna" ulttyq portaly 

Pikirler