Özbekstan prezidentı äkımşılıgınıŋ basşysy Saida Mirziioeva Urgut audanynyŋ şalǧai auyldarynyŋ bırınde ornalasqan «Navoi» emhanasyna bardy, dep habarlaidy «Adyrna» tılşısı.
Ol sapar aiasynda mekemenıŋ müşkıl hälıne alaŋdauşylyq bıldırdı.
1972 jyly salynǧan «Navoi» emhanasy 16 auyldaǧy 13 myŋnan astam tūrǧynǧa qyzmet körsetedı. Alaida ǧimarat kürdelı jöndeudı qajet etedı, al qyzmetkerlerdıŋ jūmys jaǧdaiy men mümkındıkterı şekteulı küide qalyp otyr.
«Būl bır ǧana naqty emhananyŋ mäselesı emes. Būl — alǧaşqy medisinalyq-sanitarlyq kömektı ūiymdastyrudaǧy keŋ auqymdy artta qaludyŋ körınısı»,- dedı Saida Mirziioeva.
Sapar barysynda mamandarmen bırge öŋırdegı densaulyq saqtau jüiesın damytuǧa arnalǧan jaŋa jospar jan-jaqty talqylandy. Atalǧan jospar tek ǧimarattardy jöndeudı ǧana emes, alǧaşqy medisinalyq kömektı ūiymdastyru täsılderın özgertudı de közdeidı.
Mirziioeva densaulyq saqtau salasyndaǧy naqty mäselelerdı tek esepter men qūjattar arqyly ǧana baǧalau mümkın emes ekenın, ol üşın mındettı türde jergılıktı jerlerge baryp, jaǧdaidy közben köru qajet ekenın aitty.
