Jelıde reseilık dıntanuşy Şämıl Aliautdinovtyŋ Astanadaǧy forumǧa qatysuy qyzu talqyǧa tüsıp jatyr. Öitkenı, onyŋ soǧysty qoldaityn videosy köptıŋ aşuyn tuǧyzǧan, dep habarlaidy “Adyrna” ūlttyq portaly.
4 jeltoqsanda Astanada «Jaŋa şynaiylyq» atty ülken forum ötedı. Aldyn ala taraǧan aqparatqa säikes, ol forumǧa belgılı qazaqstandyq käsıpker Marǧūlan Seisembai, bloger Beibıt Älıbekov pen reseilık dıntanuşy Şämıl Aliautdinov qatyspaq. Äleumettık jelı qoldanuşylary Aliautdinovtyŋ Ukrainadaǧy soǧysty qoldap söilegen sözın bölısıp, forumǧa onyŋ qatysuyna jol bermeu kerek dep pıkır bıldırıp jatyr.
Deputat Mūrat Äbenov te Facebook paraqşasyna Aliautdinovtyŋ Qazaqstanǧa keluıne qarsy ekenın bıldırıp jazba qaldyrdy.
«Būndai qözqarasy bar adam qazaq elınıŋ jas azamattaryn ne üiretpek, imam retınde qandai uaǧyz aitpaq? Jeltoqsannyŋ basynda Almatyda ülken forum ötkızemın degen jarnamasyn baiqadym. Täuelsız meleketke qaruly äskermen küştep kırıp "tärtıpke" keltıru kerek degendı qoldaǧan bolsa, erter jeme-jemge kelgende bızdı de jaqtai qoimas. Kerek pe ol bızge? Muhoriapovtıŋ bır türı emes pe "özımızdıkı-bızdıkı" dep jürgende , arǧy jaqqa aunap tüsetın?» - dep jazady Mūrat Äbenov äleumettık jelıde.
