Bylǵy kóktemdegi tabıǵattyń tosynnan minezi bárimizdi ábigerge salǵany belgili. Tabıǵı apattyń aldyn alýǵa qaýqarymyz jetpesede, óńirimizde oryn alǵan sý tasqynynan qıyn jaǵdaıǵa tap bolǵan jerlesterimizdi barymyzsha qoldaýǵa tyrysýdamyz. Oral qalasyndaǵy BQO ákimdigi Qoǵamdyq damý basqarmasynyń «Qoǵamdyq kelisim» KMM alǵashqylardyń biri bolyp gýmanıtarlyq kómek kórsetý shtabyn quryp, arnaıy qabyldaý pýnktin ashty.
Kúni keshe óńirdegi kúrdeli jaǵdaıǵa baılanysty oblysymyzdyń Bórli, Terekti, Syrym jáne Qaratóbe aýdandarynda jáne Oral qalasynda tótenshe jaǵdaı jarııalandy.
Gıdrometeorologııalyq jaǵdaılar sý deńgeıiniń kóterilýine alyp kelip, eldi mekenimizge qaýip tóndirip, jalpy sany 5000-ǵa jýyq adam qaýipsiz oryndarǵa kóshirildi. Osy tusta BQO Qazaqstan halqy Assambleıasynyń bastaýymen QHA qurylymdyq bólimsheleri ókilderi, «Assambleıa jastary», birqatar úkimettik emes uıymdar men óńirimizdegi kásipkerler, oblys turǵyndary qoldaý kórsetip, biri aqshalaı qarajat aýdarsa, endi biri azyq-túlik, kıim-keshekpen qamtamasyz etýge at salysty.
- Biz, BQO halqy Assambleıasy ujymy qoldaý kórsetken barsha janmen birlesip, oblysymyzda oryn alǵan jaǵdaıǵa baılanysty kúsh biriktirip, asar jarııaladyq. Bul rette qala turǵyndary aıanyp qalmady. Qabyldaý pýnktimen tikeleı baılanysta bolyp, qajetti zattardy jınaýda bir kisideı atsalysty. Gýmanıtarlyq kómek jınaýǵa qatysqan barsha azamatqa alǵysym sheksiz. Birigip áreket etsek, biz jeńe almaıtyn qıyndyq joq,- deıdi ıgi istiń bastamashylarynyń biri, BQO QHA Eriktiler qozǵalysy ortalyǵynyń jetekshisi, «Bırlık» ázirbaıjan etnomádenı birlestigi tóraǵasynyń orynbasary Elgýn Djanalıev.
Búginge deıin qabyldaý pýnktinde jınalǵan qarajattyń jalpy somasy 25 mln teńgeni quraıdy. Alǵashqy kúnderdiń ózinde-aq 2 mln tg-ge jýyq jınalǵan qarajattyń bir bóligi aqshalaı aýdarylsa, kelesi jartysy gýmanıtarlyq kómek esebinde azyq-túlikpen, turmystyq qajettilik zattary jáne kıim-keshekpen tolyqty. Qarjylaı kómek kórsetkenderdiń qarajatyna «Assambleıa jastary» jáne QHA qurylymdary men «Respublica» partııasy ókilderi aýyl turǵyndaryna qosymsha azyq-túlik pen sanıtarlyq-gıgıenalyq taýarlar satyp aldy.
30 naýryz kúni óńirimizdegi sý tasqynynan zardap shekken jerlesterimizge arnalǵan gýmanıtarlyq kómek eki «Gazel» jáne úsh júk avtokóligine tıelip, oblysymyzdyń Syrym, Qaratóbe aýdandaryndaǵy qabyldaý pýnktine jetkizilip, halyqqa taratyldy.
Oblysymyzda sý tasqynymen kúres jáne apattan qutqarý, sondaı-aq qalpyna keltirý jumystary áli de jalǵasýda.
