Ūzaq jylǧy ızdenısten keiın, alǧaş ret barşa Tama ruyna ortaq şejıre «Tama şejıresı» kıtaby jaryq kördı. Būǧan deiın öŋırlerde, rudyŋ bölımderı men tarmaqtary boiynşa jekelei kıtaptar şyqqanymen, ortaq kıtap jaryq körmegen bolatyn.
Osy jūmystardy atqarudy sarysulyq ölketanuşy, qalamger, tarih zertteuşısı Nūrlan Sūltanūly Rahymjanov öz jauapkerşılıgıne alyp, eldıŋ amanatyn arqalady. Jetı jyldyŋ ışınde Qazaqstannyŋ barlyq derlık oblystary, Özbekstan men Reseidıŋ köptegen aumaqtaryn aralap şyqty. Osy jolda myŋdaǧan eldı mekender men san myŋdaǧan adamdarmen jolyǧyp, myŋnan asa kıtapty aqtardy, myŋdaǧan qoljazbalarmen tanysty.
Erteden auyz-ekı şejırelerde qalyptasqan «Alty Ata Älıp, Jetı Ata Jögı» ūǧymyn basqaşa taldap, eldıŋ jadynan şyqqan Ata ūrpaqtaryn tauyp, eldıŋ nazaryna ūsynyp otyr. Keşegı bütın Türkı halqynyŋ zamana aǧymynda bırneşe ūlysqa bölınıp, ärtürlı halyqqa ainalyp ketkenı ämbege aian. Degenmen, olardyŋ arasyna kırıp, tübegeilı sıŋıp ketken öz rulastaryn tauyp, olardyŋ tarihyn sūrastyryp, şejıresın jazyp alyp keluı eresen eŋbek. Köşpelı ömırden bas tartyp, otyryqşylyqqa erte boi ūsynǧan aǧaiyndarǧa qaita-qaita baryp jürıp qolyna tüsken mälımetterın saralap osy eŋbekke engızdı.
Qazaq, özbek, qaraqalpaq, noǧai, qūmyq, qyrym tatary, dobrudja tatary, başqūrt, tatar halyqtary qūramyna sıŋgen rulastaryn tapty. Olardyŋ bırqatarynyŋ şejıre derekterın jalpy köpşılık nazaryna alǧaş ūsynyp otyr.
Auyzekı aitylyp jürgen şejırelık derekter qūlpytastarmen, arhiv qūjattarymen, köne qoljazbalarmen salystyrylyp tüzetıldı. Būl kıtaptyŋ artynan "Tamalar" atty ensiklopediialyq anyqtamalyq daiyndaluda.
Kıtap 2000 danamen Almaty qalasyndaǧy «AliPress» baspasynan jaryq kördı.
«Tama şejıresı» jaryq kördı
10.12.2025
469
Ūqsas jaŋalyqtar
Pıkırler
