Jetisý oblysy qurylǵannan beri medıınalyq-sanıtarlyq alǵashqy kómek nysandarymen 81 eldi meken qamtyldy, al dáriger tapshylyǵy 20,3%-ǵa tómendedi. Bıyl taǵy 72 eldi mekende jańa medıınalyq mekemeler boı kóteredi, dep habarlaıdy Jetisý oblysy ákiminiń baspasóz qyzmeti.
Oblys qurylǵaly beri óńirde Kerbulaq aýdanynyń Saryózek aýylynda 250 orynǵa arnalǵan emhana, Kóksý aýdany Aqshatoǵan, Eńbekshiqazaq aýyldarynda, Alakól aýdany Qamysqala aýylynda, Panfılov aýdany Shejin aýylynda 4 feldsherlik-akýsherlik pýnkt, Aqsý aýdany Saǵabúıen aýylynda dárigerlik ambýlatorııa, Altynaryq aýylynda medpýnkt salyndy. Sol sııaqty 58 blok-modýldi keshen ornatyldy, sonyń ishinde respýblıkada tuńǵysh ret Eskeldi aýdany Qarabulaq aýylynda jáne Panfılov aýdanynyń Jarkent qalasynda blok-modýldik konstrýkııany qoldana otyryp turǵyzylǵan jedel jáne shuǵyl medıınalyq kómek qosalqy stanııasy da bar. Osyndaı nysandar bıyl taǵy 4aýdanda – Qaratal aýdanynyń Úshtóbe qalasynda, Kerbulaq aýdanynyń Saryózek aýylynda, Kóksý aýdanynyń Balpyq bı aýylynda, Tekeli qalasynda boı kóteredi.
Oǵan qosa «Aýyldaǵy densaýlyq saqtaýdy jańǵyrtý» jobasy sheńberinde 15 nysannyń qurylysy aıaqtalyp, taǵy 44-iniń qurylysy jalǵasýda. Sonymen qatar Qaratal aýdany Úshtóbe qalasynda demeýshiler esebinen 50 oryndy dárigerlik ambýlatorııa boı kóterdi.
Sonymen birge úsh jyl ishinde 7 nysanǵa kúrdeli jóndeý júrgizilse, bıyl taǵy 7-eýi kúrdeli jóndeýden ótkiziledi.
Qabyldanǵan osyndaı sharalardyń arqasynda densaýlyq saqtaý salasynda beıimdelgen ǵımarattardyń sany 209-dan 127-ge qysqardy.
Sondaı-aq bıyl beıimdelgen nemese jalǵa alynǵan ǵımaratta otyrǵan 72 medıınalyq mekeme úshin jańa nysandar salynyp, jabdyqtaý josparlanǵan. Oǵan qosa bıyl Taldyqorǵanda ınvestor kompanııanyń qarjysyna 200 oryndy zamanaýı onkologııalyq dıspanserdiń qurylysy bastalady.
Oblysta medıınalyq kadrlar jetispeýshiligi máselesin sheshýge de erekshe kóńil bólinýde. Oblys ákiminiń tapsyrmasyna sáıkes respýblıkada alǵashqy bolyp óńirdegi aýyldyq jerge jumysqa kelgen dárigerlerge 10 mln. teńgeden, qalalyq jerge 5 mln. teńgeden bir rettik kótermeaqy berý júıesi engizildi.
Osy maqsatqa 2024 jyly jergilikti bıýdjetten 495 mln. teńge bólindi. Sonyń nátıjesinde byltyr kótermeaqy 75 dárigerge tólendi, onyń 24-i aýyldyq jerde, 51-i qalalyq jerde jumys isteıdi. Osyndaı sharalardyń arqasynda oblysta kadr tapshylyǵynyń sany 202-den 161-ge, ıaǵnı 20,3%-ǵa tómendedi.
Aýyldyq jerge kelgen dárigerdiń biri - 17 jyldyq eńbek ótili bar hırýrg Nurmuhamed Baıjanov. Ol Qabanbaı aýylyndaǵy Alakól aýdandyq ortalyq aýrýhanasynyń bólimshesine jumysqa turǵan.
- Árıne, jumys isteý ońaı emes, kishigirim jaraqattardy qospaǵanda, kúnine 2-3 kúrdeli ota jasalady. Biraq, biz, dárigerler bul joldy ózimiz tańdadyq. Bizdiń basty mindetimiz – adamdarǵa kómektesý. Meniń balalar hırýrgy, travmatology, balalar ortopedi, balalar ýrology baǵytynda 4 sertıfıkatym bar. Sondyqtan emizýli jastaǵy nárestelerden bastap túrli operaııalar jasaı alamyn. Bizdiń bólimde laparoskop qurylǵysy bar, bul kez kelgen aýrýhanada bola bermeıdi. Mundaı zamanaýı medıınalyq jabdyqty paıdalaný jumysymyzdy edáýir jeńildetip, naýqastyń operaııadan keıingi ońaltý proesin jedeldetedi, - deıdi maman.
Jalpy oblystaǵy medıına nysandarynyń bazasynda kardıohırýrgııa, onkologııa boıynsha kúrdeli operaııalar jasalýda.
Máselen, oblystyq kardıologııalyq ortalyqta búgingi kúni joǵary tehnologııaly medıınalyq kómektiń 20 túri kórsetiledi. Ótken jyly munda 380 ota jasalsa, bıyl taǵy 450-den astam ota jasalady dep kútilýde. Atap óterligi, klınıkada jasandy ıntellektisi bar júrek resınhrondaý terapııasy qoldanylady. Sol sııaqty bıylǵy jyldan bastap kardıohırýrgııalyq otalar balalarǵa da jasala bastady.
Bul rette Taldyqorǵandaǵy oblystyq perınataldyq ortalyqta 2023 jyly ashylǵan «Qamqorlyq» erte aralasý ońaltý ortalyǵyn da atap ótýde bolady. Bul ınnovaııalyq ortalyqta neıro-ortopedııalyq aýrýlary bar, onyń ishinde erebraldy sal aýrýy bar balalardy ońaltýdyń álemdik úzdik ádistemeleri men zamanaýı tásilderi engizilgen. Nysan 2023-2024 jyldary 215 balaǵa ońaltý sharalaryn júrgizse, bıyl jyl basynan beri 51 balany qabyldady.
Materıaldyq-tehnıkalyq bazanyń jaıyna kelsek, úsh jyl ishinde medıınalyq mekemelerdi qajetti qural-jabdyqpen qamtý deńgeıi 93% jetti. 2022-2024 jyldary 133 jedel járdem kóligi satyp alynsa, sonyń kópshiligi aýyldyq jerlerge jiberildi, bıyl taǵy 29 sanıtarlyq kólik alynady dep josparlanǵan.
