Qaraǧandy oblysynyŋ prokuraturasy äleumettık jelılerde ūltaralyq sipattaǧy janjalǧa türtkı bolatyn jazbalar men pıkırlerdıŋ jiılep ketkenın mälımdedı, dep habarlaidy "Adyrna" ūlttyq portaly.
Qadaǧalauşy organnyŋ mälımetınşe, mūndai äreketter üşın Qazaqstan Qylmystyq kodeksınıŋ 174-babyna säikes 2 jyldan 7 jylǧa deiın, al auyr zardaptarǧa äkelgen jaǧdaida 12 jyldan 20 jylǧa deiın bas bostandyǧynan aiyru jazasy qarastyrylǧan.
Prokuratura ökılderı Instagram, TikTok, Threads sekıldı äleumettık jelılerde ärbır qoldanuşynyŋ pıkır bıldıru erkındıgı bar ekenın, alaida ol zaŋ talaptaryna qaişy kelmeuı tiıs ekenın atap öttı.
"Ūltaralyq arazdyqty qozdyru ekstremistık qylmys bolyp sanalady. Mūndai qūqyqbūzuşylyq jasaǧan tūlǧalar belsendı ökınıp, jäbırlenuşıden keşırım sūrasa da, būl olardyŋ qylmystyq jauapkerşılıkten bosatyluyna negız bolmaidy", – delıngen vedomstvo habarlamasynda.
Prokurorlar azamattardy zaŋdy saqtauǧa, ärbır jariialanym men aitylǧan sözge jauapkerşılıkpen qarauǧa şaqyrdy.
"Qoǧamdaǧy beibıtşılık pen tūraqtylyqty tek özara qūrmet pen qūqyqtyq mädeniet arqyly saqtai alamyz", – dedı qadaǧalauşy organ ökılderı.
