Ūlttyq banktıŋ aqşa-kredit saiasaty komitetı bazalyq mölşerlemenı +/- 1 p.t. dälızımen jyldyq 18,0% deŋgeiınde saqtau turaly şeşım qabyldady, dep habarlaidy "Adyrna".
Ūlttyq banktıŋ aqparatynşa, jyldyq infliasiia qazanda 12,6% bolǧan, al qyrküiekte – 12,9%. Azyq-tülık tauarlarynyŋ baǧasy 13,5%-ǧa jäne azyq-tülıkke jatpaityn tauarlar baǧasy 11%-ǧa östı. Qyzmetterdegı baǧanyŋ ösuı retteletın tūrǧyn üi-kommunaldyq qyzmetterge baǧanyŋ äkımşılık tömendeuı saldarynan 12,9%-ǧa deiın baiaulady.
«Jekelegen tauar naryqtarynda saqtalyp otyrǧan teŋgerımsızdık, ornyqty sūranys, importtyŋ qymbattauy jäne şyǧyndardyŋ ösuı aiasynda azyq-tülık komponentı būrynǧyşa infliasiiaǧa köptep üles qosty. Servistık infliasiianyŋ ülesı azaidy, alaida baǧanyŋ ösu qarqyny baiaulaǧanyna qaramastan maŋyzdy küiınde qalyp otyr. Azyq-tülıkke jatpaityn infliasiiada janarmai men farmasevtikalyq önım baǧasynyŋ ösuı jedeldegenı baiqalady. Qazanda ailyq infliasiia 0,5%-ǧa deiın aitarlyqtai baiaulady, alaida bazalyq infliasiia 1% deŋgeiınde – joǧary küiınde qaldy. Būl bır jylǧa eseptegende 12,2% säikes keledı. Sonymen qatar tūtynu qorjynyndaǧy tauarlar men qyzmetterdıŋ şamamen 80%-y 5% targetten joǧary qarqynmen qymbattaidy», - delıngen habarlamada.
Ūlttyq banktıŋ paiymynşa, joǧary infliasiialyq boljam, ornyqty bazalyq infliasiia men tariftık reformalardyŋ keiınge qaldyrylǧan äserın eskergende, 2026 jyldyŋ bırınşı jartysynyŋ soŋyna deiın mölşerlemenı tömendetu mümkın bolmaidy.
«İnfliasiianyŋ ornyqty baiaulau ürdısı qalyptasqanyna senımdılık bolmaǧan jaǧdaida aqşa-kredit şarttary qataŋdatyluy mümkın», - dep atap öttı Ūlttyq bank.
Bazalyq mölşerleme boiynşa kezektı josparly şeşım 2026 jylǧy 23 qaŋtarda jariialanady.
