Joǧary oqu ministrı Saiasat Nūrbek universitet rektorlaryn AQŞ-taǧy prezident sailauy sekıldı ekı merzımge şekteitının aitty, dep habarlaidy "Adyrna" ūlttyq portaly.
Mäjılıstıŋ jalpy otyrsynan keiın jurnalister Saiasat Nūrbekke «Biyl Euraziia universitetınıŋ rektory Erlan Sydyqovtyŋ rektor bolǧanyna 13 jyl tolady eken. Būl tym ūzaq uaqyt emes pe? Rektordyŋ 13 jyl otyruy dūrys pa, dūrys emes pe?» dep sūraq qoidy.
«Bızde ūlttyq universitettıŋ rektorlarynyŋ bazalyq kelısım şartynyŋ merzımı 3 jyl. Merzımdı Prezident Äkımşılıgımen kelısıp, ūzartuǧa şeşım qabyldanady. Şyn mänınde, 13 jyl ūzaq merzım. Sol sebeptı bız qazırgı uaqytta rektorlardyŋ taǧaiyndau qaǧidattary men erejelerın pysyqtap jatyrmyz. 14-15 nauryzda, iaǧni bır aptadan keiın respublikalyq komissiia otyrysy bolady. Sol otyrysta naqtylaimyz. Rektorlardy AQŞ-taǧy prezident sekıldı ekı merzımmen şekteimız», – dedı ol.
Jurnalistıŋ «Demek aldaǧy uaqytta Erlan Sydyqov rektorlyqtan ketuı mümkın me?» degen qosymşa saualyna ministr «Jiynda osy prinsipterdı qarastyramyz. Respublikalyq komissiia maqūldaǧan jaǧdaida Zaŋnamalyq özgerısterdı engızemız. Qazır men naqty aita almaimyn. Barlyǧy Zaŋ tūrǧysynda bolady. Bıraq aitqanymdai, merzımsız otyru dūrys emes ekenıne kelısemın» dep jauap berdı.
Sondai-aq jurnalist «Keibır adamdar ministrdıŋ şamasy ūlttyq universitetterdıŋ rektorlaryna jetpeidı» dep aityp jatady. Būl söz qanşalyqty ras?» dep sūraq qoidy.
«Bırınşıden, ministrlık soŋǧy on jyldyqta arnaiy akademiia avtonomiia prinsipterıne köşude. Iаǧni, qazır ministrlık rektorlardy tıkelei taǧaiyndap, basqaryp otyrmaidy. Ol prinsipten bas tarttyq. Bız şeteldık formatqa köşıp jatyrmyz. Rektorlarmen direktorlar keŋesı nemese Qamqorşylyq keŋes arqyly jūmys ısteimız. Mysaly 3 jyldyq strategiiasyn, 1 jyldyq josparyn kelıp ūsynady. Būrynǧydai ministrlık basqaratyn, kez kelgen jaǧdaida rektor janynda otyruy kerek jäne qit etse, Astanaǧa kelıp, jinalysta otyruy kerek degen ūstanymnan bas tarttyq. Būl bızdıŋ ūstanymymyz, paiymymyz. Mysaly, apparattyq keŋeitılgen jinalystarymyzdy qazırgı uaqytta ZOOM arqyly ötkızemız», – dedı ministr.
Nazerke Sandybekqyzy
Ūqsas jaŋalyqtar
