2025 jylǧa arnalǧan erıktı türde qonys audaru baǧdarlamasy şeŋberınde Abai oblysyna 499 adamǧa kvota bekıtılgen. Onyŋ 244-ı qandastar, 255-ı jūmys küşı artyq öŋırlerden qonys audaruşylar.
Oblystaǧy 331 eldı mekennıŋ 316-sy qabyldau aumaǧy retınde aiqyndalǧan. Bügıngı taŋda öŋırge 419 adam qonystandy. Onyŋ 198-ı qandastar, 221-ı ışkı qonys audaruşylar.
Işkı migrasiia boiynşa oblysqa negızınen Astana qalasy, Türkıstan, Jetısu jäne Almaty oblystarynan azamattar qonys audaruda. Qandastar Moŋǧoliia, Qytai jäne Özbekstan elderınen köşıp kelıp jatyr.
Baǧdarlama aiasynda keluşılerge jalpy 226 million teŋge kölemınde memlekettık qoldau körsetıldı. Memlekettık qoldau şaralary boiynşa otaǧasyna jäne otbasy müşelerınıŋ ärqaisyna 70 AEK kölemınde bır rettık kömek, tūrǧyn üidı jalǧa alu jäne kommunaldyq qyzmetterdı öteu üşın 15-30 AEK kölemınde tölemder, tūrǧyn üi satyp aluǧa 50% mölşerınde, bıraq 1160 AEK-ten aspaityn kölemde sertifikat beru qarastyrylǧan.
Qonys audaruşylar men qandastar qajet bolǧan jaǧdaida qysqa merzımdı käsıptık oqytuǧa jıberılıp, jūmysqa ornalasuǧa qoldau körsetıledı. Nätijesınde bügıngı künge deiın 95 adam jūmyspen qamtyldy.
«Eŋbek ūtqyrlyǧyn arttyru maqsatynda aqparattyq jūmystardy küşeitu jönındegı Jol kartasy ıske asyrylyp jatyr. Baǧdarlama aiasynda Türkıstan, Jambyl, Almaty, Jetısu, Qyzylorda, Maŋǧystau oblystarynda, sondai-aq Şymkent, Almaty jäne Astana qalalarynda qonys audaru järmeŋkelerı ötkızıldı», - deidı oblystyq jūmyspen qamtu jäne äleumettık baǧdarlamalardy üilestıru basqarmasynyŋ basşysy Aiman Nūrlybek.
2023 jyly köşı-qon saiasatyn ıske asyru şeŋberınde Semei qalasynda beiımdeu jäne integrasiia ortalyǧy aşyldy. Ortalyq qonys audaruşylardyŋ jaŋa ortaǧa beiımdeluıne järdemdesedı. Onyŋ ışınde qandastarǧa qazaq tılı men jazudy oqytatyn arnaiy baǧdarlamalar qarastyrylǧan.
