Soltüstık Qazaqstan oblysyna İrannan etnikalyq qazaqtar otbasy keldı, - dep habarlaidy “Adyrna” ūlttyq portaly "Habar 24" telearnasyna sılteme jasap.
Qandastardyŋ otbasy jalǧa berıletın tūrǧyn üimen qamtamasyz etıldı. Mysaly, Petropavldan 120 şaqyrym jerdegı Nikolaevka auylynda "Eŋbek" baǧdarlamasyna qatysuşylarǧa 30 üi salyndy. Olarǧa etnikalyq qazaqtardyŋ bır bölıgı qonystanady.
20 otbasy ūzaq jol jürıp, tūrǧylyqty jerıne jettı. İrannan Aqtauǧa, Aqtaudan Nūr-Sūltanǧa, odan soltüstıkke. Olar üş eldı mekenge: Esıl öŋırındegı Petrovka men Nikolaevka, sondai-aq Şal aqyn audanyndaǧy Sergeevkaǧa qonystanǧan.
"Sezımdı sözben aityp jetkızu mümkın emes. Men ata-babamnyŋ tuǧan jerıne kelgenıme quanyştymyn. Äielım de quanyşty. Bız balalardyŋ ana tılın bılgenın, mädenietın saqtaǧanyn qalaimyz. Sondyqtan osynda köşudı ūiǧardyq", - dedı Qazaqstanǧa tört balasymen köşıp kelgen qandas Näjıb.Nikolaevkada İrannan kelgen 10 otbasy bır köşege qonystanǧan. Olar azamattyq aluǧa ötınış berıp, jūmys tabuy kerek. Keibıreuler jeke käsıp aşudy josparlap otyr. Esıl öŋırı äkımdıgı qandastarǧa qazaq tılı men emlesın üirenuge kömek körsetıletının aitty. Ol üşın aptasyna üş ret tegın sabaqtar ūiymdastyrylady. Nikolaevka men Petrovkada aralas bılım beretın mektepter bar, sondyqtan oǧan bailanysty mäsele şeşıldı, olar ana tılınde oqidy. Eske salaiyq, 15 qyrküiekte Maŋǧystau oblysyna İrannan 53 qandas mıngen ūşaq kelgen bolatyn.
Ūqsas jaŋalyqtar
