Jambyl oblysynda därıgerler jaŋa tuǧan säbidı satyp jıbergen. Būl turaly Polisia.kz jariialady, dep habarlaidy “Adyrna” tılşısı.
Aqparat boiynşa, 2023 jylǧy 12 qaŋtarda Jambyl oblysy Polisiia departamentınıŋ qyzmetkerlerı Taraz qalasy prokuraturasymen bırlesıp jürgızgen arnaiy ıs-şara barysynda jaŋa tuǧan balany satu deregın anyqtady.
"Derek boiynşa QR QK-nıŋ 135-baby 1-bölıgımen ("Kämeletke tolmaǧandar saudasy") sotaldy tergeu amaldary bastaldy. Jambyl oblysy PD ūiymdasqan qylmysqa qarsy küres basqarmasynyŋ qyzmetkerlerı jedel-ızdestıru ıs-şaralaryn jürgızu kezınde Taraz qalalyq köpbeiındı auruhanasynyŋ ekı akuşerın anyqtap, ūstady. Tergeu şaralary barysynda jaŋa tuǧan qyzdy akuşer mamandar 39 jastaǧy Taraz tūrǧynyna 1,5 million teŋgege satyp jıbergenı belgılı boldy", - delıngen habarlamada.Qazırgı taŋda QR QPK-nıŋ 128-babyna säikes küdıktıler uaqytşa ūstau izoliatoryna qamauǧa alynǧan. Al balany satyp aluşyǧa qatysty qolhatpen bosatu türındegı būltartpau şarasy taǧaiyndaldy. Näreste Taraz qalasynyŋ säbiler üiıne ornalastyryldy. Tergeu jalǧasyp jatyr.
Ūqsas jaŋalyqtar
