Pavlodardan jarysqa attanǵan jasóspirim fýtbolshylar mingen mıkroavtobýs jol apatyna ushyrap, bapker qaza tapty, dep habarlaıdy "Adyrna" ulttyq portaly.
Aqmola oblystyq polıııa departamentiniń málimetinshe, qaıǵyly oqıǵa 18 sáýir kúni Astana – Ereımentaý – Shiderti tas jolynda bolǵan. Aldyn ala boljam boıynsha, Mercedes markaly mıkroavtobýs júrgizýshisi júk kóligin basyp ozýǵa áreket jasaǵanda, kólik aýdarylyp ketken.
«Mıkroavtobýsta 14 pen 16 jas aralyǵyndaǵy 16 bala jáne olardyń jattyqtyrýshysy bolǵan. Olar Pavlodardan Astanaǵa fýtbol jarysyna bara jatqan», – delingen polıııa departamenti taratqan habarlamada.
Oqıǵa ornynda jattyqtyrýshy kóz jumǵan. Jas fýtbolshylar túrli dene jaraqatymen medıınalyq mekemege jetkizildi. Qazirgi ýaqytta olardyń jaǵdaıyn dárigerler baqylap otyr.
Apattyń naqty sebepteri anyqtalyp jatyr. Bul oqıǵa boıynsha tıisti saraptamalar taǵaıyndalyp, tergeý amaldary bastaldy.
