Pavlodardan jarysqa attanǧan jasöspırım futbolşylar mıngen mikroavtobus jol apatyna ūşyrap, bapker qaza tapty, dep habarlaidy "Adyrna" ūlttyq portaly.
Aqmola oblystyq polisiia departamentınıŋ mälımetınşe, qaiǧyly oqiǧa 18 säuır künı Astana – Ereimentau – Şıdertı tas jolynda bolǧan. Aldyn ala boljam boiynşa, Mercedes markaly mikroavtobus jürgızuşısı jük kölıgın basyp ozuǧa äreket jasaǧanda, kölık audarylyp ketken.
«Mikroavtobusta 14 pen 16 jas aralyǧyndaǧy 16 bala jäne olardyŋ jattyqtyruşysy bolǧan. Olar Pavlodardan Astanaǧa futbol jarysyna bara jatqan», – delıngen polisiia departamentı taratqan habarlamada.Oqiǧa ornynda jattyqtyruşy köz jūmǧan. Jas futbolşylar türlı dene jaraqatymen medisinalyq mekemege jetkızıldı. Qazırgı uaqytta olardyŋ jaǧdaiyn därıgerler baqylap otyr. Apattyŋ naqty sebepterı anyqtalyp jatyr. Būl oqiǧa boiynşa tiıstı saraptamalar taǧaiyndalyp, tergeu amaldary bastaldy.
Ūqsas jaŋalyqtar
