Almaty qalasynda «Taza Qazaqstan» respublikalyq aksiiasy aiasynda erekşe ekologiialyq-şyǧarmaşylyq bastama – «Eko-şyrşa Almaty» atty aşyq baiqau jariialandy. Joba Almaty qalasy äkımdıgınıŋ qoldauymen ıske asyrylyp otyr. Būl baiqau qalalyq ortada ekologiialyq sanany köterudı, şyǧarmaşylyq äleuettı arttyrudy jäne jaŋa jyldyq merekelerdı jauapkerşılıkpen atap ötuge baǧyttalǧan jaŋa mädeni dästür qalyptastyrudy közdeidı.
Baiqau ekodizain baǧytyndaǧy şyǧarmaşylyqty qoldap, megapolistıŋ ekologiialyq mädenietın arttyrudy jäne tūrmystyq qaldyqtardy qaita qoldanu ideiasyn keŋınen nasihattaudy maqsat etedı. Būl bastamanyŋ tüpkı mänı – tūtynuşylyq mädenietın qaita qarastyryp, tūrmystyq qaldyqtarǧa jaŋa ömır syilau arqyly qoǧamdaǧy ekologiialyq oilaudy damytu. Osy maqsatta qatysuşylarǧa qaita öŋdeletın materialdar men tūrmystyq qaldyqtardy paidalana otyryp, Almatynyŋ ruhyn, dinamikasyn jäne zamanaui kelbetın beineleitın erekşe art-şyrşa jasau ūsynylady.
Ūiymdastyruşylardyŋ aituynşa, qala äkımdıgınıŋ jobalyq keŋsesınıŋ qoldauymen jüzege asyrylyp jatqan būl jaŋa bastama Almatyda ekologiialyq tūrǧydan taza ärı şyǧarmaşylyqqa negızdelgen jaŋa jyldyq merekelık dästür qalyptastyruǧa baǧyttalǧan. Atalǧan bastama suretşılerdı, dizainerlerdı jäne qalanyŋ bolaşaǧyna beijai qaramaityn barlyq qala tūrǧyndaryn bırıktırudı közdeidı. Olardyŋ pıkırınşe, ūsynylatyn eko-şyrşalar – jai ǧana öner tuyndysy emes, zamanaui tūraqty qalanyŋ qandai boluy kerektıgın aiqyndaityn maŋyzdy manifest.
Baiqauǧa şyǧarmaşylyq pen ekobelsendılıkke beiım barlyq azamattar qatysa alady. Atap aitqanda, suretşıler, dizainerler, säuletşıler, qolönerşıler, şyǧarmaşylyq toptar, ekologiialyq qauymdastyqtar.
Ärbır qatysuşy biıktıgı 2-2,5 metr aralyǧyndaǧy, tek tūrmystyq qaldyqtar, qaita öŋdeletın materialdar, ekınşı rettık şikızat qoldanylǧan art-şyrşa jobasyn daiyndauy tiıs. Materialdy taŋdauda erkındık berılgenımen, ekologiialyq qauıpsızdık jäne qaita paidalanuǧa jaramdylyq basty kriteriiler bolyp esepteledı.
Qatysuşylardy yntalandyru maqsatynda baiqau aiasynda qarjylai qoldau qarastyrylǧan:
● Alǧaşqy ırıkteuden ötken 15 finalistke öz jobasyn jüzege asyru üşın 100 000 teŋge kölemınde grant berıledı;
● Finaldyq kezeŋde üzdık dep tanylǧan avtorlar
✔ I oryn – 400 000 teŋge
✔ II oryn – 300 000 teŋge
✔ III oryn – 200 000 teŋge kölemınde aqşalai syilyqtarǧa ie bolady.
Sonymen qatar, 6 avtorǧa ärqaisysyna 100 000 teŋge kölemınde arnaiy yntalandyru syilyǧy bolady.
Būl syilyqtar jas talanttardy qoldauǧa, ekodizain salasynda jaŋa ideialardyŋ paida boluyna jäne şyǧarmaşylyq bäsekelestıktı arttyruǧa baǧyttalǧan.
Baiqau qorytyndysy boiynşa eŋ üzdık eko-şyrşalar qalalyq festivaldıŋ art-alleiasynda köpşılık nazaryna ūsynylady. Festival kezınde qala tūrǧyndary men qonaqtary erekşe öner tuyndylarymen tanysyp qana qoimai, ekologiialyq mädenietke qatysty paidaly aqparat alyp, tūraqty damu ideialaryna jaqyndai tüsedı.
Şyǧarmalardy baǧalaumen arnaiy şyǧarmaşylyq industriia ökılderınen, ekodizain salasynyŋ mamandarynan, ekologtardan, serıktes ūiymdardyŋ ökılderınen jäne tanymal dizainerlerden qūrylǧan käsıbi qazylar alqasy ainalysady.
Olar jūmystardy kompozisiia, ideianyŋ jaŋaşyldyǧy, qoldanylǧan materialdardyŋ ekologiialyq sipaty, körkemdık şeşımı jäne qalalyq keŋıstıkke säikestıgı boiynşa baǧalaidy.
Būl bastama qalanyŋ şyǧarmaşylyq äleuetın aşuǧa, jas talanttardy qoldauǧa, sondai-aq Almatyny Qazaqstandaǧy jasyl innovasiialar ortalyǧyna ainaldyruǧa baǧyttalǧan qadamdardyŋ bırı.
Baiqauǧa ötınımder 18 jeltoqsanǧa deiın qabyldanady. Tolyq aqparat pen baiqauǧa qatysu erejelerımen tömende körsetılgen sılteme arqyly tanysuǧa bolady.
https://docs.google.com/document/d/1jeMoWCcg3PBdnnzLdPSH5jRQbu_88czB/edit?usp=drivesdk&ouid=110611780211072053156&rtpof=true&sd=true
Bailanys nömırı: 87751021313 – A. Janturina
