Äleumettanuşy, qoǧam belsendısı Samat Nūrtaza Ukrainanyŋ tanymal telejürgızuşısı, jurnalist Dmitrii Gordonnyŋ Qazaqstanǧa qatysty aitqan pıkırıne tüsınık berdı, dep habarlaidy "Adyrna" ūlttyq portaly.
Qoǧam belsendısı Qazaqstannyŋ ırgesı şaiqalmai, osy uaqytqa deiın berık tūruyn Qasym-Jomart Toqaevtyŋ sūŋǧyla saiasatymen bailanystyrady.
- Gordon ıştei Qazaqstanǧa qyzyǧady ärine. Bergen sūhbatynda pendeşılıgı baiqalyp qaldy. Gordonnyŋ elı kül-talqan. Öz bauyry, dındes bauyry, egız bauyry soǧys aşty. Halqy bosyp kettı. Myŋdaǧan er azamatynan aiyryldy. Älbette Gordon ıştei: “Qazaqty alǧanda ǧoi …” degen ökınışı bar ekenın jasyra almady.
Bıraq mäsele tereŋde jatyr. Tarih Ukrainaǧa tereŋ saiasatker bermedı. Taǧdyr Ukrainaǧa sabyrly basşy bermedı. Kuchmadan keiıngı kelgen Iýşenko/Poroşenko/Iаnukovich/Zelenskii buyndary şydamsyzdau bolǧanyn moiyndau kerek. Köp närse basşyǧa bailanysty. “Eŋ myqty soǧys - ol bolmaǧan soǧys” degen maqaldy ūmytqan siiaqty köpşılık… - dep qaiyrdy qoǧam belsendısı.
Avtor keiınnen Toqaevtyŋ diplomatiiasyna, Aq Ordanyŋ tereŋ saiasatyna toqtalady. Onyŋ aituynşa, Ukraina respublikasy dūrys basşyǧa jarymai keledı. Būǧan qatysty:
- Resei būl soǧysqa 99% kınälı bolsa, 1% kınä Ukrainanyŋ diplomatiialyq jolyn taŋdamauynda jatyr. Memleket aralyq mäselelerde diplomatiiaǧa jügınudıŋ ornyna, Ukraina bilıgı mınez körsettı, kei mäselede şamasyna qaramai söiledı, artyq emosiia baiqatty. Ärine bız üide, kafe men ofista ukraindyqtardyŋ “Batyrlyǧymen” tamsanamyz, bızge oŋai. Qalamyz sau, jerımız azat, aspanymyz aşyq, toi jasaimyz itd itp.
Gordonnyŋ sözın boldyrmaǧan - Toqaevtyŋ diplomatiiasy. Tabalap jeseŋızder de aitaiyn. Gordonnyŋ ışınde jatqan qyjylyn Aq Ordanyŋ tereŋ saiasaty terbetıp otyr. Gordon - Qazaqstan bilıgınıŋ qatelespegenıne yzaly siiaqty. “Men körgendı nege Qazaqstan körmedı” degen renış.
Jalpy Ukraina halqy dūrys basşy taŋdamady - nätijesın körıp otyrmyz. Qazaqstan halqy - dūrys basşy taŋdady - onyŋ da nätijesın körıp otyrmyz. Öz oiym, - dedı söz soŋynda Samat Nūrtaza.
"Adyrna" ūlttyq portaly
Ūqsas jaŋalyqtar
resei
Qazaqstan
Ukraina
#Toqaev
kreml
halyqaralyq saiasat
syrtqy saiasat
toqaev saiasaty
gordon
orys ukrain soǧysy
qazaq saiasaty
aq orda
