Äleumettık jelıde Bakhram700 esımdı qoldanuşy Astanada satyp alynǧan mektep däpterlerınıŋ betınde Resei Federasiiasynyŋ memlekettık gimnı basylǧanyn jariialady, dep habarlaidy "Adyrna" ūlttyq portaly.
Būl turaly Facebook jelısınde aqparat tarady.
«Astana! Qyzym üşın däpter satyp aldym... Endı ony jabystyruǧa tura keledı», – dep jazdy jelı qoldanuşy.
Būl jaǧdai qoǧamda qyzu talqy tuǧyzdy. Jelı qoldanuşylary «Nege qazaqstandyq öndırıstıŋ däpterlerı satylmaidy?», «Bız sonşalyqty kedeimız be, nege özımızdıŋ eldık simvoldarymyz joq?», «Balalarymyz Resei gimnın jattau kerek pe?» dep narazylyq bıldırdı.
Sonymen qatar, qazaqstandyqtar şeteldık memlekettıŋ memlekettık rämızderın taratuǧa kım rūqsat bergenın jäne kedendık baqylaudyŋ qalai jürgızıletının sūrady. Keibır pıkır ielerı mūndai ärekettı «qoǧamdyq tūraqtylyqqa qauıp töndıretın jaǧdai» dep baǧalap, zaŋ aiasynda şara qoldanudy talap ettı.
Bügınde de resmi organdardan aqparatqa qatysty tüsınıkteme berılmedı.
Aita keteiık, däl osyndai mäselenıŋ bolǧany 2017 jäne 2020 jyldary da BAQ betterınde jariialanǧan edı.
2017 jyly Feisbuktaǧy “Astana hochu pohvalit/pojalovatsia” tobynda Aigölek Janasylova elordanyŋ SMALL sauda jelısındegı dükennen satyp alynǧan däpterdıŋ syrtynda Resei gimnı jazylǧanyn aityp şaǧymdanǧan.
Al 2020 jyly äleumettık jelı qoldanuşysy Rahmetolla Qabyke būl oqiǧanyŋ Magnum dükender jelısınde de bolǧanyn atap ötken.
