Prezıdent Qasym-Jomart Toqaev Lıýksembýrgtiń syrtqy ister mınıstri Jan Asselbornmen kezdesti, dep habarlaıdy “Adyrna” ulttyq portaly.
Kezdesýde Toqaev Jan Asselbornǵa iltıpat bildirip, onyń bul sapary kóptegen sala boıynsha ekijaqty yntymaqtastyqty odan ári damytý úshin jańa múmkindikterge jol ashatynyn atap ótti.
Sondaı-aq, ol Lıýksembýrg premer-mınıstri Ksave Bettelmen BUU Bas Assambleıasynyń 77-sessııasy alańynda ótken kelissózderin eske aldy.
Sol kezde Qazaqstan men Lıýksembýrg arasyndaǵy ózara tıimdi seriktestikti damytýdyń uzaq merzimdi perspektıvalary týraly óte tabysty ári mazmundy áńgime boldy. Qazaqstan cizdiń elińizdi jáne halqyńyzdy qurmetteıdi. Biz ózara yntymaqtastyǵymyzdyń bolashaǵyna senemiz, – dedi Qasym-Jomart Toqaev.
Odan bólek, kólik jáne logıstıka, ıfrlandyrý, «jasyl» energetıka salalaryndaǵy, sondaı-aq Astana halyqaralyq qarjy ortalyǵy aıasyndaǵy ózara is-qımyl perspektıvalaryn qarastyryldy.
Jan Asselborn eki el arasyndaǵy qarym-qatynastardyń qarqyndy damyp kele jatqanyn atap ótti.
Búgin tańerteń biz ózara túsinistik týraly eki memorandýmǵa qol qoıdyq. Qazirgi ýaqytta Cargolux Qazaqstanǵa apta saıyn 21 reıs jasaıtynyn bilesiz. Sondaı-aq Lıýksembýrg mýltımodaldy hab sanalady. Osyǵan baılanysty Astana áýejaıy – biz úshin óte mańyzdy pýnkt. Lıýksembýrg kompanııasy birlesken osy iri jobany júzege asyra alatynyna rızashylyǵymdy bildiremin. ıfrlyq damý, ınnovaııalar jáne aeroǵarysh ónerkásibi mınıstrimen ózara túsinistik týraly ekinshi memorandýmǵa qol qoıdyq, – dedi Lıýksembýrgtyń syrtqy ister mınıstri.
Osylaısha, Qasym-Jomart Toqaev pen Jan Asselborn halyqaralyq jáne óńirlik kún tártibindegi ózekti máseleler jóninde pikir almasty.
