Foto: Getty Images
AQŞ-ta federaldyq ükımettıŋ jūmysy uaqytşa toqtatylǧannan keiın senbı künı eldegı ışkı jäne halyqaralyq 1400-den astam reis keşıktırıldı nemese toqtatyldy. Būl aptada äue kompaniialaryna reister kölemın qysqartu turaly nūsqau berılgen bolatyn, dep habarlaidy “Adyrna”.
FlightAware qyzmetınıŋ mälımetıne säikes, şamamen 6000 reis keşıktırıldı, al jūma künı būl körsetkış 7000-nan asyp ketken.
Apta basynda AQŞ Azamattyq aviasiia federaldyq basqarmasy (FAA) eldegı eŋ jüktelgen 40 äuejaida äue tasymaly ötkızu qabıletın kemınde 10 paiyzǧa qysqartatynyn habarlaǧan. Būl şeşım şatdaun kezınde aqysyz jūmys ıstep jürgen äue dispetcherlerınıŋ şarşauyna bailanysty qabyldandy.
Respublikalyqtar men demokrattar Kongreste ükımettıŋ qarjylandyru mäselesı boiynşa älı kelıse almai otyr. 1 qazannan bastalǧan şatdaun 39 künge sozylyp, AQŞ tarihyndaǧy eŋ ūzaq ükımet toqtauyna ainaldy. Senbıde senatorlar Vaşingtonda ekıjaqty kelıssözder jürgızuge jinaldy. Olardyŋ basty maqsaty – şatdaundy aiaqtau, sebebı onyŋ saldary köbırek amerikalyqtarǧa sezıle bastady: azyq-tülık kömegınıŋ qysqaruy jäne äue qatynasyndaǧy üzılıster.
American Airlines kompaniiasy senbı künı jasaǧan mälımdemesınde Vaşingtondaǧy köşbasşylarǧa şatdaundy dereu toqtatudy talap ettı.
Niu-Djersidegı Niuark Liberti halyqaralyq äuejaiynda reisterdı kütu uaqyty eŋ ūzaq boldy. FAA derekterı boiynşa, senbı küngı tüskı uaqytqa deiın äuejaiǧa kelu reisterı orta eseppen tört saǧattan keşıktırılse, ūşu şamamen bır jarym saǧatqa keşıktırıldı.
Būl jaǧdai AQŞ-taǧy äue qatynasyna aitarlyqtai äser etıp, eldegı azamattarǧa yŋǧaisyzdyq tuǧyzdy.
