AQŞ prezidentı Donald Tramptyŋ äkımşılıgı afroamerikalyq azamattardyŋ azamattyq qūqyqtary üşın küresken köşbasşy Martin Liuter Kingtıŋ ölımıne qatysty tergeu materialdary men qūjattardy jariialady. Būl turaly VVS jazdy, dep habarlaidy “Adyrna”.
«Amerikalyqtar būl qastandyqqa bailanysty federaldy ükımettıŋ tergeuınıŋ tolyq kölemın köru üşın 60 jylǧa juyq uaqyt küttı.
Bız būl el tarihyndaǧy eŋ maŋyzdy ärı qaiǧyly oqiǧanyŋ barlyq tūstaryn aşyq türde körsetuge uäde beremız», – dedı Ūlttyq barlau direktory Tulsi Gabbard mälımdemesınde.
Gabbardtyŋ aituynşa, barlyǧy 230 myŋnan astam qūjat betı «azǧantai tüzetulermen» jariialanǧan. Olar AQŞ Ūlttyq mūraǧat saitynda qoljetımdı.
Donald Tramp prezidenttık qyzmetıne kırısken soŋ, 1960-jyldary qastandyqpen öltırılgen Djon F. Kennedi, onyŋ ınısı Robert F. Kennedi jäne Martin Liuter Kingke qatysty qūjattardy qūpiiasyzdandyru jönınde būiryqtar şyǧarǧan bolatyn.
Aita ketsek, aamattyq qūqyqtar qorǧauşysy ärı şırkeu uaǧyzşysy Martin Liuter King 1968 jyldyŋ 4 säuırınde Tennessi ştatynyŋ Memfis qalasynda öltırılgen. Būl qylmysqa būǧan deiın sottalǧan Djeims Erl Rei kınäsın moiyndaǧanymen, keiın ony moiyndauǧa mäjbürlegenın mälımdegen. Ol 1998 jyly türmede qaitys boldy.
Kingtıŋ otbasy Djeims Erl Reidıŋ kınälı ekenıne jäne jalǧyz özı qylmys jasaǧanyna kümän keltırıp keledı. Kingtıŋ köptegen serıktesterı de resmi nūsqaǧa senbeidı.
Martin Liuter Kingtıŋ balalary – Martin Liuter King III jäne Bernis King– qūjattardyŋ jariialanuyna qarsy bolǧan.
«Bız äkemızdıŋ mūrasyn joqqa şyǧaruǧa baǧyttalǧan kez kelgen ärekettı aiyptaimyz. Būl qūjattar jariialanǧan jaǧdaida, ony sezımmen, ūstamdylyqpen jäne otbasymyzdyŋ älı de jalǧasyp jatqan qaiǧysyna qūrmetpen qarau qajet», – dedı olar.
Olar Kingke jürgızılgen baqylaudy «jeke ömırge qol sūǧu» jäne «aqiqatty ädeiı būrmalau» dep atady.
«Būl äreketter Kingtı qarapaiym azamat retınde ar-namysy men erkındıgınen aiyrdy», delıngen mälımdemede.
