Biylǧy jyldyŋ toǧyz aiynyŋ qorytyndysy boiynşa Batys Qazaqstan oblysynyŋ öŋdeu önerkäsıbındegı öndırıs kölemı 274,7 mlrd teŋgenı qūrady. Būl körsetkış ötken jyldan äldeqaida joǧary. Jäne jyl soŋyna deiın jospar jüz paiyzǧa oryndalady. Būl turaly BQO käsıpkerlık jäne industriialyq-innovasiialyq damu basqarmasynyŋ basşysy Nūrjan Ötepbaev mälımdedı.
Soŋǧy jyldary oblystyŋ öŋdeu önerkäsıbı salasynda tūraqty ösım baiqalyp, öndırıs kölemı men önım sapasy artyp keledı. Būl öz kezegınde öŋırdıŋ ekonomikalyq äleuetın küşeitıp, jaŋa investisiialyq jobalardy jüzege asyruǧa mümkındık berude. Öŋdeu önerkäsıbındegı öndırıs kölemın arttyru jäne jyldyq josparlardy tolyq oryndau maqsatynda biyl jalpy somasy 9,4 mlrd teŋgenı qūraityn tört jaŋa joba ıske qosyluǧa daiyn.
Olar: aralas önımder şyǧaratyn zauyt qūrylysy, qūrǧaq qospalar öndırısı, himiialyq önımder (antifriz, ūntaq, sabyn jäne basqa) öndırısı jäne aliuminii symdaryn öndıru jobalary.
Jūmys oryndaryn aşu – ekonomikaǧa tyŋ serpın
Älemdık ekonomika jyl saiyn özgerıp, damyp kele jatqan saiyn, jūmys oryndarynyŋ sany men sapasy da maŋyzdy faktorǧa ainalyp otyr. Jaŋa jūmys oryndaryn qūru – tek jūmyssyzdyqty azaityp qana qoimai, eldıŋ ekonomikalyq damuynda jaŋa serpın beredı. Būl prosess ekonomikanyŋ barlyq salalarynda öndırıstık quattyŋ artuyna, jaŋa investisiialardyŋ tartyluyna, sondai-aq halyqtyŋ äleumettık jaǧdaiynyŋ jaqsaruyna mümkındık jasaidy.
Jūmys oryndarynyŋ köptıgı elde jalpy ışkı önımnıŋ (JIÖ) ösuıne yqpal etıp, jaŋa tehnologiialar men innovasiialardyŋ engızıluıne jol aşady. Sonymen qatar, olar halyqtyŋ tūraqty tabys közımen qamtamasyz etıluın qamtamasyz etıp, äleumettık tūraqtylyqty nyǧaitady.
Jaŋa jūmys oryndarynyŋ paida boluy ekonomikaǧa tyŋ serpın berıp, ony daǧdarysqa qarsy tūraqty damuǧa baǧyttaidy. Osy tūrǧydan alǧanda, jūmys oryndaryn qūru – äleumettık jäne ekonomikalyq damu üşın basty qūraldardyŋ bırı bolyp tabylady.
Aqjaiyq öŋırınde öŋdeu önerkäsıbındegı öndırıs kölemın arttyruǧa qazırgı käsıporyndardyŋ jaŋǧyrtu jūmystary men önım assortimentın keŋeitu de oŋ yqpal etude. BQO käsıpkerlık jäne industriialyq-innovasiialyq damu basqarmasynyŋ basşysy Nūrjan Ötepbaevtyŋ bergen aqparatyna süiener bolsaq, «QazExpoPipe» JŞS qaptamalyq jäne sorap-kompressorlyq muftalar şyǧaru jobasyn jüzege asyruda. «Batys mūnai gaz jabdyqtary» JŞS su jäne gazǧa arnalǧan şarly krandar şyǧaratyn seh ıske qosty, sondai-aq kadr daiarlauǧa arnalǧan oqu ortalyǧy aşyldy. «Oral sauda-önerkäsıp kompaniiasy» JŞS diametrı 1600 mm-ge deiıngı gaz, su jäne kärız qūbyrlaryna arnalǧan üş qabatty qūbyr öndıru jabdyqtaryn jetkızu kütılude. «Stekloservis» JŞS sandyq baǧdarlamalyq basqaru jüiesımen jabdyqtalǧan ADVANCE 526 ämbebap tık öŋdeu ortalyǧy jäne Master One ülgısındegı şyny öŋdeuge arnalǧan ChPU ortalyǧyn ıske qosty.
Ösımnıŋ rezervı retınde 2024 jyly ıske qosylǧan jobalardyŋ jobalyq quatyna şyǧu qarastyrylǧan. «Westgroup» JŞS jylyna 20 mln dana kırpış şyǧarady. «KaspiMunaiKapital» JŞS jylyna 53 myŋ dana mūnai-gaz jabdyqtaryn şyǧarady. «BATYSMINIRALSU» JŞS jylyna 10 mln litr mineraldy su öndırısın josparlap otyr. «Oral süt kombinaty» JŞS süt öŋdeu zauytynyŋ keŋeiuın jüzege asyrady. Kelesı kezeŋde 2026–2030 jyldar aralyǧynda jalpy qūny 1,8 trln teŋge bolatyn 25 jobany jüzege asyru josparlanyp otyr, nätijesınde 6012 jaŋa jūmys orny aşylmaq, – dedı oblystyq käsıpkerlık jäne industriialyq-innovasiialyq damu basqarmasynyŋ basşysy Nūrjan Ötepbaev Sapargeldıūly.
Basqarma basşysynyŋ aituynşa, öŋdeu önerkäsıbınıŋ käsıporyndaryn tolyq kölemde jūmysqa qamtamasyz etu üşın ırı jer qoinauyn paidalanuşylarmen tūraqty kezdesuler ötkızılude. Mysaly, Atyrauda ötken maşina jasau forumynda NKOK kompaniiasymen jäne «Uralskagroremmaş» AQ-pen bırneşe tehnikany jetkızu turaly kelısımder jasalypty. Sonymen qatar, 2025 jylǧy säuır aiynda ötkızılgen öŋdeu önerkäsıbı käsıporyndarynyŋ forumy men körmesı nätijesınde jaŋa kelısımderge qol qoiylǧan. Nätijesınde «Oralagroremmaş» AQ bır dana ört söndıru tehnikasyn jetkızse, «VestOil» JŞS mūnai men gazdyŋ sapasy men mölşerın baqylau jüielerın jetkızuge mümkındık alǧan.
Öŋdeu önerkäsıbınde jaŋa serpın: Irı kompaniialar investisiia qūiǧan
2025 jyly oblysqa bırqatar ırı halyqaralyq kompaniialar kelıp, öŋdeu önerkäsıbın damytuǧa baǧyttalǧan maŋyzdy jobalarmen jūmys jasauǧa niet bıldırıptı. Olardyŋ qatarynda «Kalamkas — Khazar Operating b.v.», «KMG İnjiniring» JŞS, «North Caspian Operating Company» jäne IMB kompaniialary bar. Būl ūiymdar öŋdeu salasyna jaŋa investisiialar men serıktestıkterdıŋ bolaşaq mümkındıkterın qarastyruda. Äsırese, öŋdeu önerkäsıbıne baǧyttalǧan tyŋ jobalar men investisiialyq kelısımder oblystyŋ ekonomikalyq damuyndaǧy jaŋa kezeŋnıŋ bastalatynyn bıldıredı.
Oblystyq käsıpkerlık jäne industriialyq-innovasiialyq damu basqarmasynyŋ basşysy Nūrjan Ötepbaevtyŋ pıkırınşe, osy kompaniialardyŋ öŋırge keluı öŋdeu salasynyŋ jaŋa tehnologiialar men käsıbi daǧdylardy tartuǧa mümkındık berıp, öndırıstık quattyŋ artyluyna yqpal etedı. Būl qadam eldıŋ ekonomikasyna tyŋ serpın berıp qana qoimai, öŋırdıŋ jūmyssyzdyq deŋgeiın tömendetuge, jergılıktı tūrǧyndarǧa jaŋa jūmys oryndaryn aşuǧa da äser etetın bolady.
