UFC sporty boıynsha tuńǵysh qazaqstandyq sportshy arý Marııa Agapova (10-4) kútpegen málimdeme jasady, - dep habarlaıdy “Adyrna” ulttyq portaly.
27 jastaǵy sportshy álemdegi eń áıgili jekpe-jek promoýshenindegi kelesi jekpe-jegine eki aı qalǵanda úısizderge arnalǵan baspanadan oryn tabýǵa májbúr ekenin habarlady.
"Bir aptadan keıin men úısiz qalatyn shyǵarmyn. Siz tań qalyp otyrsyz ba? Biraq men tań qalmaımyn. Bul meniń Amerıkadaǵy ómirimniń klassıkasy. UFC jekpe-jeginiń aldynda baspanasyz qalý. Bul naǵyz klassıka! Kelesi aptada men úısizderge arnalǵan baspana izdeımin, sebebi men endi adamdarǵa senbeımin. Páter jaldaýǵa aqsham bolmaǵandyqtan, kerek jerde turamyn. Adamdar meni qanaýda, al bul qanaý kezinde olar meniń jeke shekaralarymdy jáne meniń ómirimdi elemeıdi. Sonyń ishinde meni artymnan jynystyq quldyqqa satýǵa tyrysý áreketteri de boldy. Kim biledi baspanasyzdarǵa kómek kórsetýdi maqsat etetin jáne paıdalanbaıtyn qaıyrymdylyq uıymdary bar shyǵar, maǵan jazyńyz. Florıda shtaty», - dedi Agapova áleýmettik jelilerdegi jazylýshylarǵa.
Eske sala keteıik, qazaqstandyq arý sońǵy ret 2022 jyldyń qyrkúıeginde oktagonǵa shyqqan bolatyn. Odan keıin qazaqstandyq qyz ekinshi raýndta kanadalyq Djıllıan Robertsonǵa qarsy kezdesýde jeńilis tapty.
14 shildede Marııa Agapova Las-Vegasta ótetin UFC on ESPN+ 101 týrnırine qatysýǵa nıetti. Qazaqstandyqtyń qarsylasy brazılııalyq Lýana Santos (7-1) bolmaq.
