Germaniia ışkı ıster ministrlıgı men syrtqy ıster ministrlıgı arasynda Siriiaǧa deportasiiany qaita bastau josparyna bailanysty aşyq kelıspeuşılık oryn aldy, dep habarlaidy "Adyrna" ūlttyq portaly.
Būl turaly BILD basylymy habarlady.
Işkı ıster ministrlıgı koalisiialyq kelısımge säikes, deportasiiany aldymen qylmys jasaǧan migranttardan bastau qajet dep sanaidy. Vedomstvo ökılderı Berlinnıŋ Damaskpen deportasiiaǧa rūqsat beru turaly kelısım boiynşa kelıssözder jürgızıp jatqanyn mälımdedı. Sondai-aq, bosqyndar jönındegı federaldy basqarma siriialyq azamattardyŋ, äsırese otbasynsyz kelgen jas, eŋbekke jaramdy er adamdardyŋ ısterın qaita qaraudy bastaǧan.
Alaida būl ūstanymǧa syrtqy ıster ministrı Iohann Vadeful qarsy şyqty. Ol jaqynda qiraǧan Damask qalasyna saparmen baryp, «mūndai auqymdy qiraudy būryn-soŋdy körmegenın» aitty. Ministrdıŋ pıkırınşe, qazırgı jaǧdaida siriialyq bosqyndardyŋ elıne oraluy öte şekteulı ǧana jaǧdailarda mümkın, sebebı eldıŋ infraqūrylymy qatty bülıngen.
Işkı ıster ministrlıgı, kerısınşe, oraluşylar üşın jaǧdai jasauǧa bolady dep esepteidı.
Mamandardyŋ aituynşa, Germaniiada būl mäsele koalisiia ışındegı saiasi qaişylyqty tereŋdete tüsuı mümkın, al adam qūqyqtaryn qorǧauşylar Siriiaǧa deportasiiany qaita bastau bosqyndardyŋ ömırıne qauıp töndıretının eskertıp otyr.
