Qazaqstannyŋ azamattyq qoǧam ökılderı Polşada "tyŋşylyq jasady" degen küdıkpen ūstalǧan qazaqstandyq äskeri attaşenıŋ kömekşısı Änuar Bäkıbaidyŋ ısıne bailanysty Europalyq odaq pen Europa keŋesınıŋ parlamenttık assambleiasyna ündeu jasady, dep habarlaidy «Adyrna» tılşısı.
«Būl ūstalu faktısı bızdıŋ bırneşe jyl boiy aityp kele jatqan pıkırımızdı aiqyn däleldep otyr. Qazaqstannyŋ arnaiy qyzmetterı Kremlge täueldı jäne köbıne Resei qūrylymdarynyŋ, sonyŋ ışınde barlau men gibridtık operasiialardyŋ müddesınde äreket etedı.
Änuar Bäkıbai — jai ǧana diplomat emes, ol Qazaqstan Qorǧanys ministrlıgınıŋ äskeri joǧary oqu ornyn tämamdaǧan, Ukrainada akkredittelgen ofiser. Onyŋ Polşa bilıgı tarapynan NATO-nyŋ äskeri nysandary jönınde aqparat jinady degen aiyppen ūstalǧany Europaǧa Qazaqstan Europanyŋ müddelerıne qarsy baǧyttalǧan qyzmetke tartylǧany jaily būltartpas dälel beredı»,—delıngen habarlamada.
Sondai-aq ündeude el ışındegı ahualǧa da nazar audarylǧan.
«Bilık pıkır aluandyǧyn basyp-janşu saiasatyn jalǧastyryp otyr. Jurnalister, qūqyq qorǧauşylar men azamattyq belsendıler qylmystyq qudalauǧa, azaptauǧa, ädıletsız sot ükımderıne ūşyrauda. Sottar jabyq küide qalyp, ondaǧan saiasi tūtqyn temır tordyŋ ar jaǧynda otyr. Aqorda Kremldıŋ ädısterın qaitalauda»,—deidı belsendıler.
Azamattyq qoǧam ökılderı Europalyq odaq pen PASE-nı Bäkıbai ısı boiynşa kömek körsetpeuge şaqyrdy.
«Bızdıŋ pıkırımızşe, Bäkıbai ısıne bailanysty kez kelgen halyqaralyq qoldau Qazaqstandaǧy saiasi tūtqyndardy, atap aitsaq, Marat Jylanbaev, Duman Mūhammetkärım, Aigerım Tleujanova, Aslan Ötepov, Erjan Elşıbaev, Aidar Syzdyqov, Danat Namazbaev, Daniiar Ädılbekov, Mahambet Äbjan jäne qūqyq qorǧau ūiymdary tızımıne engızılgen özge de tūtqyndaryn bosatumen tıkelei bailanystyryluy tiıs»,—delıngen ündeude.
Aşyq jariialanǧan būl ündeuge Qazaqstandaǧy belgılı qūqyq qorǧauşylar, advokattar, jurnalister men qoǧam belsendılerı qol qoiǧan.
Eske salaiyq, tamyz aiynyŋ basynda Polşa bilıgı postkeŋestık aziialyq elderdıŋ bırınen kelgen diplomatty ūstaǧanyn habarlaǧan edı. Alaida naqty qai memleket ekenı sol kezde naqtylanbady. Keiınnen onyŋ Qazaqstan diplomaty ekenı aityldy. Oǧan Polşa men onyŋ NATO boiynşa odaqtastaryna qarsy tyŋşylyq jasady degen küdık keltırılude.
