Şymkenttık avtobloger ärı zaŋger Ruslan Janpeiısov polisiia qyzmetkerlerınıŋ zaŋdy talabyna baǧynbaǧany üşın kınälı dep tanylyp, 4 täulıkke äkımşılık qamauǧa alynǧany turaly aqparat tarady, dep habarlaidy "Adyrna" ūlttyq portaly Otyrar.kz portalyna sıltep.
Sot şeşımıne säikes, äkımşılık jaza 22 säuırden bastap esepteledı. Bloger sol künı jūmys ornynda ūstalyp, uaqytşa ūstau izoliatoryna jetkızılgen.
Alǧaşynda oǧan Qyzylorda oblysynyŋ poliseilerı jürgızgen reidke kedergı keltırdı degen aiyp taǧylǧan. Alaida keiın sot būl ıs boiynşa qūqyqbūzuşylyq qūramyn tappai, ıstı toqtatqan. Keiın basqa epizodtar qaralyp, onda Janpeiısov Qaraǧandy oblysynyŋ polisiia qyzmetkerlerı jürgızgen reid kezınde olardyŋ äreketın videoǧa tüsırıp, jūmysqa kedergı keltırdı dep tanyldy. Būl jazbalar ıs materialdaryna dälel retınde tırkelgen.
Şymkent qalalyq polisiia departamentı mälımetınşe, bloger patruldık polisiia qyzmetkerlerınıŋ zaŋdy talaptaryn elemei, bırneşe ret olardyŋ qyzmetıne aralasqan.
