Qazaqstannyŋ būrynǧy prezidentı Nūrsūltan Nazarbaevtyŋ jienı, Timur men Dinara Qūlybaevtardyŋ ūly Altai Asqar Kipr azamattyǧyn alǧany anyqtaldy. Tergeu derekterıne säikes, ol būl azamattyqty Kiprdıŋ investisiialyq baǧdarlamasy arqyly 2019 jyly şamamen 1 milliard teŋgege alyp, "altyn pasport" ielengen, dep habarlaidy “Adyrna” ūlttyq portaly Stan.kz aqparat agenttıgıne sıltep.
Kipr ükımetınıŋ resmi basylymynda Altai Asqardyŋ azamattyq alu üşın ötınış bergenı jariialanǧan. Baǧdarlama sol uaqytta älemnıŋ ärtürlı elderınen kelgen bai adamdarǧa mümkındık berdı, onyŋ ışınde ızdeude bolǧan tūlǧalar da bar. Al Jazeera telearnasy jürgızgen tergeu nätijesınde, Euroodaq bilıgı būl jaǧdaiǧa alaŋdap, 2020 jyldyŋ qaraşasynda Kipr "altyn pasporttar" baǧdarlamasyn japty.
Baǧdarlama boiynşa azamattyq alu üşın negızgı ötınış beruşı kemınde 2,5 million euro investisiia saluy kerek bolǧan. Sol 2019 jylǧy baǧam boiynşa būl şamamen 1,07 milliard teŋgege teŋ. Osylaişa, Altai Asqar Qazaqstan zaŋnamasyna qaişy ekınşı azamattyqqa ie bolǧan.
Qazır Kipr bilıgı zaŋsyz alynǧan azamattyqtardy kerı qaitaru prosesın jürgızıp jatyr. Olardyŋ qatarynda Qazaqstannan basqa da belgılı tūlǧalar bar, mysaly, Kazakhstan Kagazy kompaniiasynyŋ būrynǧy bas direktory Maqsat Ärıp te bar. Ony 2024 jyldyŋ nauryz aiynda BAÄ-de Qazaqstan IIM İnterpol ūlttyq biurosynyŋ sūrauy boiynşa ūstaǧan.
Sondai-aq, Kipr azamattyǧynan aiyrylǧandar arasynda reseilık oligarhtar Oleg Deripaska, Aleksei Kuzmichev, Mihail Guseriev, Vadim Moşkovich, sondai-aq özbekstandyq milliarder Alişer Usmanovtyŋ äpkesı Gülbahor İsmailova jäne ukrainalyq käsıpker İgor Kolomoiskii bar.
Sonymen qatar, jaqynda 35 jasqa tolatyn Altai Asqardyŋ Şveisariia rezidenttık kartasy bar. Ol osy eldı tūrǧylyqty jerı retınde körsetıp, äkesı Timur Qūlybaevtyŋ serıktesı Baharidin Ablazimovpen bırge amerikalyq ORBI startapyna investisiia salǧan. Qūlybaevtar Şveisariiadaǧy Bellerive qamalynyŋ iesı, jäne osy mülıktıŋ satyp alynu tarihyna qatysty Jeneva prokuraturasy 2024 jyly tergeu bastaǧan.
Şeteldegı jyljymaityn mülıkke keletın bolsaq, Mäskeude Altai Asqardyŋ "Merkurii" mūnarasynda 114,5 m² päterı bar. Onyŋ baǧasy naryqtaǧy ortaşa baǧamen şamamen 400 million teŋge. Dubaidaǧy Palm Jumeirah aralyndaǧy Marina Residences tūrǧyn keşenınde ornalasqan 633 m² päterınıŋ baǧasy şamamen 2 milliard teŋge dep baǧalanǧan.
