Óskemende mektep dırektory muǵalimdi eden jýýǵa májbúrlegen. Bul týraly Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy Ernur Daýenov málimdedi, dep habarlaıdy “Adyrna” ulttyq portaly.
“Pedagogterdi muǵalimge tán emes fýnkııalarǵa tartý problemasy da ózektiligin joǵaltpaı tur. Búginde bizdiń departamentterde barlyǵy 182 fakti tirkelgen. Onyń 93-i boıynsha ákimshilik is qozǵalsa, 100 fakti aýmaqtyq departamentter janyndaǵy konsýltatıvtik keńesshi organdarda qaralyp jatyr”, - dedi komıtet tóraǵasy.
Sondaı-aq, ol osy aptada óz atyna ShQO Óskemen qalasy №46 mektebiniń pedagoginen aryz túskenin aıtty.
“Mektep dırektory muǵalimdi eden jýýǵa májbúrlegen. Qazir osy fakti boıynsha tıisti jumys júrip jatyr. Mektep basshylyǵynyń kinási dáleldengen jaǵdaıda ákimshilik jaza qoldanylady”, - dedi Ernur Daýenov.
