Megapoliste Respublika künıne orai bırden tört zamanaui jalpy bılım beretın mektep saltanatty türde aşyldy. Solardyŋ bırı – Medeu audanynda ornalasqan, jobalyq quaty 2 myŋ oquşy orny bolatyn №220 jalpy bılım beretın mektep.
«Būl jalpy bılım beretın mektep öz şaǧynaimaqtaǧy oryn tapşylyǧyn tolyq jabady. Jalpy, 1 qyrküiekten berı qalada 12 jaŋa mektep aşyldy. Respublika künıne orai osy aptada taǧy tört bılım beru mekemesı paidalanuǧa berıledı. Besınşı mektep – qaraşa aiynda, al taǧy segızı – jyl soŋyna deiın «satyp alu» tetıgı arqyly ıske qosylady», – dedı Almaty qalasy äkımınıŋ orynbasary Azamat Qaldybekov.
Onyŋ aituynşa, megapoliste biylǧy oqu jylynda barlyǧy 24 mektep aşylady, sonyŋ ışınde 21 mektep «Keleşek mektepterı» ūlttyq jobasy aiasynda salynyp jatyr.
«Būl tarihi maksimum. Būǧan deiın bır oqu jylynda mūnşama jaŋa mektep paidalanuǧa berılmegen. Mūnyŋ barlyǧy Qazaqstan Prezidentı Qasym-Jomart Toqaev bastamaşy bolǧan «Keleşek mektepterı» ūlttyq jobasynyŋ arqasynda jüzege asty», – dedı Azamat Qaldybekov.
№220 mektep zamanaui ülgıde salynǧan, onyŋ qūramynda 83 oqu kabinetı, 4 sport zaly, sondai-aq ashana, kıtaphana, medisinalyq punkt, konferens-zal, sport alaŋy, tennis korty, voleibol jäne basketbol alaŋdary bar.
«Ǧimarat qozǧalysy şekteulı adamdar üşın tolyq beiımdelgen. Barlyq kabinet interaktivtı taqtalarmen jäne oqu materialdarymen jabdyqtalǧan. Oquşylardyŋ qauıpsızdıgın qamtamasyz etu üşın beinebaqylau jüielerı men dabyl batyrmalary ornatylǧan», – dedı mektep direktory Manat Äşırbekova.
Aita ketu kerek, Respublika künıne orai Almatyda Nauryzbai audanyndaǧy Qūramys şaǧynaudanynda ornalasqan №219 jalpy bılım beretın mektep te esıgın aiqara aşady. Bılım ordasynda 1 500 oquşyǧa arnalǧan 79 oqu kabinetı bar. Biyl 1-synypqa 80 oquşy qabyldandy. Oqu-tärbie üderısın 26 pedagog jürgızedı.
Sondai-aq Nauryzbai audanynyŋ Şūǧyla şaǧynaudanynda ornalasqan №221 jalpy bılım beretın mektep jūmysyn bastaidy. Bılım ordasynda 2 500 oquşy ornyn qamtityn 125 oqu kabinetı bar. Bügınde 1 722 oquşy qabyldanǧan. Oqu-tärbie üderısın joǧary käsıbi deŋgeige ie 74 pedagog qamtamasyz etedı.
Būdan bölek, Alatau audanynda ornalasqan №222 jalpy bılım beretın mektep te aşylady. Bılım ordasynda 2 myŋ oquşy ornyn qamtityn 96 oqu kabinetı bar. Bügınde 700 oquşy qabyldandy. 1-synypqa 41 bala qabyldanǧan. Bılım beru üderısın 44 pedagog jürgızedı.
Barlyq jaŋa mektep zamanaui jabdyqtarmen, keŋ synyptarmen, sport jäne şyǧarmaşylyq zaldarmen, sondai-aq eŋbek kabinetterımen qamtamasyz etılgen. Bılım beru ūiymdary osy oqu jylynyŋ ekınşı toqsanynan bastap oquşylardy qabyldauǧa tolyq daiyn.
Almaty qalasynyŋ damuy aiasynda jergılıktı biudjet esebınen 550 oryndyq taǧy bır mekteptıŋ qūrylysy jürgızılude, sondai-aq Alatau audanynda 900 oryndyq «Abyrói» jeke mektebın jäne Nauryzbai audanynda 1 200 oryndyq jaŋa jeke mekteptı satyp alu josparlanyp otyr.
