Almaty qalasynda Jastar saiasaty basqarmasynyŋ qoldauymen barlyq komiuniti-ortalyqtarda jastardyŋ damuyna jäne olardyŋ özın-özı jüzege asyruyna mümkındık beretın türlı dialogtyq alaŋdar ūiymdastyryluda.
Kezdesulerde ekologiia men azamattyq belsendılıkten bastap, kreativtı industriialar men startaptarǧa deiın ärtürlı taqyryptar qozǧalady. Spikerler retınde memlekettık organdardyŋ ökılderı, biznes jäne ǧylym salasynyŋ mamandary, mädeniet qairatkerlerı, sondai-aq tabysty jobalardy jüzege asyrǧan jas köşbasşylar şaqyryluda.
Būl kezdesuler qatysuşylar üşın tek jaŋa ideialardy tyŋdau mümkındıgı ǧana emes, sonymen qatar köşbasşylyq mektep deuge bolady. Jastar köpşılık aldynda söileudı, öz bastamalaryn tanystyrudy, serıktester men pıkırles dostar tabudy üirenude. Mūndai dialog alaŋdary almatylyq jastardy qoldaudyŋ maŋyzdy şaralarynyŋ bırıne ainalyp, olardy qala ömırıne belsendı qatysuǧa yntalandyrady.
Aldaǧy ıs-şaralardan habardar bolu üşın ūiymdastyruşylar barlyq komiuniti-ortalyqtardyŋ resmi äleumettık jelıdegı paraqşalaryna jazyludy ūsynady.
Bügınde Almatyda qalanyŋ barlyq audandarynda 11 komiuniti-ortalyq jūmys ıstep tūr. Jyl soŋyna deiın olardyŋ sany 16-ǧa jetıp, är audanda ekı ortalyqtan aşylatyn bolady. Būl jastarǧa zamanaui bılım beru, mädeni jäne äleumettık mümkındıkterge keŋınen qol jetkızuge jol aşady.
