Memleket basshysy Qasym-Jomart Toqaev Qorǵanys mınıstri Rýslan Jaqsylyqovty qabyldady. Bul týraly búgin Aqorda jarııalady, dep habarlaıdy “Adyrna” ulttyq portaly.
Prezıdentke vedomstvonyń bıylǵy birinshi jartyjyldyqta atqarǵan jumystary týraly baıandaldy.
Qasym-Jomart Toqaevqa halyqaralyq oqý-jattyǵý jıyndarynyń nátıjeleri, jaýyngerlik daıyndyqqa jańa ádister engizý jóninde málimet berildi. Sondaı-aq qarýly kúshterdiń jaýyngerlik jáne jumyldyrý ázirligine qatysty buǵan deıin berilgen tapsyrmalardyń oryndalý barysy jaıynda aıtyldy. Zamanaýı qarý-jaraqpen jáne áskerı tehnıkalarmen qamtamasyz etý, qorǵanys ınfraqurylymyn damytý, áskerı-patrıottyq jumystardy kúsheıtý máselelerine erekshe nazar aýdaryldy.
Rýslan Jaqsylyqov áskerı qyzmetshiler men zeınetkerlerdi áleýmettik turǵydan qoldaýdy arttyrý sharalary týraly aıtty.
Kezdesý sońynda Joǵarǵy Bas qolbasshy Qorǵanys mınıstrine Qazaqstan Respýblıkasy Qarýly Kúshteriniń áleýetin odan ári damytýǵa baǵyttalǵan birqatar tapsyrma berdi.
