Respublika künı merekesı qarsaŋynda Qoǧamdyq marapattar jönındegı respublikalyq keŋes pen «Uaqyt Taŋdauy» agenttıgı ūiymdastyrǧan respublikalyq baiqaudyŋ qorytyndysy jariialandy. Nätijesınde elımızdıŋ baspa ısınde airyqşa eŋbegımen tanylǧan «Atamūra» korporasiiasy «Jyldyŋ üzdık baspasy» ataǧyna laiyq dep tanyldy, dep habarlaidy «Adyrna» tılşısı.
22 qazan künı korporasiia şaŋyraǧynda saltanatty jiyn ötıp, Qoǧamdyq marapattar jönındegı respublikalyq keŋestıŋ töraǧasy Marat Baidıldäūly marapatty tabys ettı.
«Sızdermen ūlyq mereke – Respublika künı qarsaŋynda jüzdesıp otyrǧanyma quanyştymyn. Bız egemendıktıŋ arqasynda osyndai künge jetıp otyrmyz. Biyl täuelsızdıgımızdıŋ 34 jyldyǧyn toilaimyz. 1991 jyldyŋ jeltoqsanynda «Täuelsızdık pen memlekettıŋ egemendıgı turaly» zaŋ qabyldansa, 1992 jyldyŋ aqpanynda «Atamūra» baspasy ömırge kelgen edı. 33 jyl ışınde korporasiia ülken şyǧarmaşylyq joldan öttı. Jurnalist, redaktor, audarmaşylardyŋ bırneşe buyny osy qara şaŋyraqta ösıp jetıldı. Bız saraptama jasau barysynda baspanyŋ şynaiy türde ūltqa qyzmet etetınıne köz jetkızdık. Mıne, sol sebeptı de sızder baiqauda top jaryp otyrsyzdar. Qarap otyrsam, «Atamūra» 150-den astam qazaq jazuşysynyŋ kıtabyn tegın jaryqqa şyǧarǧan eken. Qazırgı zamanda kım būlai jasaidy? Būl – öz ūltyna degen süiıspenşılık pen qūrmettıŋ naǧyz körınısı. Baspa 1,5 mln tirajben türlı kıtap şyǧaryp otyr. 2000 jyldan keiıngı buynnyŋ barlyǧy da «Atamūra» şyǧarǧan oqulyqtarmen bılım alyp, tärbielendı. Söz joq, būl – ülken eŋbek. Qazır ekınıŋ bırı «Qazaqstanda ūlttyq ideologiia joq» dep aituǧa äues. Al, şyn mänınde, ony naqty ısımen jüzege asyryp, ūlt ruhaniiatyn jüielı türde nasihattap kele jatqan ūjym – «Atamūra» baspasy der edım»,– dedı ol.
Marat Baidıldäūly «Jyldyŋ üzdık baspasyn» halyq taŋdaǧanyn erekşe atap öttı.
«Köpşılıkke belgılı «Nobel» syilyǧy – qoǧamdyq marapat. Sol siiaqty bız ūsynyp otyrǧan «Jyldyŋ üzdık baspasy» ataǧy da halyqtyŋ taŋdauy arqyly berıledı. Būl – oqyrmannyŋ senımı men qūrmetınıŋ aiǧaǧy»,- dep tolyqtyrdy keŋes töraǧasy.
Sondai-aq ıs-şara barysynda Qazaqstannyŋ eŋbek sıŋırgen qairatkerı Qūl-Mūhammed Raqymǧali Abrarūlyna ūlt ruhaniiaty men baspa ısıne qosqan airyqşa eŋbegı üşın «Ūlt qairatkerı» medalı saltanatty türde tabystaldy. Öz sözınde Marat Baidıldäūly būl marapattyŋ ūlttyq mädeniet pen ädebiettıŋ damuyna üles qosqan ziialy qauym ökılderıne degen qūrmettıŋ jarqyn körınısı ekenın mälımdedı. Odan bölek, ol Raqymǧali Abrarūlynyŋ ūzaq jyldar boiy baspa ısın damytu jolynda qajyrly eŋbek etkenın, qazaq oqyrmanyna arnalǧan myŋdaǧan qūndy eŋbektıŋ jaryq köruıne jetekşı bolǧanyn atap öttı.
Öz kezegınde korporasiia prezidentı būl marapattyŋ mänı erekşe ekenın aitty.
«Būl – menıŋ ǧana emes, bükıl ūjymnyŋ eŋbegıne berılgen baǧa. Bız bırıgıp, bılım salasyndaǧy talai biıktı baǧyndyryp kelemız. Alda atqarar jūmystarymyz älı de köp. Aita keterlıgı, eşqaşan mädeniet salasyndaǧy bırde-bır tenderge qatysqan emespız. Osy künge deiın öz küşımızben, öz qarjymyzben alǧa jyljyp kelemız. Būl – bızdıŋ ūjymnyŋ tabandylyǧy men adaldyǧynyŋ aiǧaǧy», – dedı Raqymǧali Abrarūly.
Eske salaiyq, 23 säuırde «Atamūra» Mädeniet jäne aqparat ministrlıgı ūiymdastyrǧan respublikalyq ıs-şarada «Üzdık baspa» ataǧyna ie bolǧan edı.
«Atamūra» – Qazaqstandaǧy eŋ ırı ärı bedeldı baspa korporasiialarynyŋ bırı. 1992 jyly 4 aqpanda qūrylǧan būl ūiym täuelsız elımızdıŋ ruhani ösuımen bırge qalyptasyp, bügınde jiyrmadan astam käsıporyndy bırıktırgen ırı holdingke ainaldy. Bügınde «Atamūra» jyl saiyn 1,5 millionnan astam kıtap pen 50 milliondai poligrafiialyq önım şyǧara otyryp, elımızdıŋ barlyq öŋırınde ornalasqan 40-tan asa kıtap üiı arqyly oqyrmanmen tıkelei bailanys ornatyp otyr.
Baspa – tek oqulyqtar men ensiklopediialardyŋ ǧana emes, körkem ädebiet pen ǧylymi eŋbekterdıŋ de senımdı baspagerı. «Abai», «Astana», «Mūhtar Äuezov» sekıldı ensiklopediialar men «Atamūra kıtaphanasy» seriiasymen jaryq körgen jüzdegen tuyndylar – sonyŋ dälelı. Halyqaralyq jäne otandyq marapattardyŋ iegerı atanǧan «Atamūra» sapa men ruhaniiatty basty qūndylyq etken ūlttyq brend ekenın atap ötken jön.
