اقش پرەزيدەنتى دونالد ترامپ جاقىن ارادا رەسەي باسشىسى ۆلاديمير پۋتينمەن كەزدەسپەيدى. بۇل تۋرالى اق ءۇي ايتتى، دەپ حابارلايدى «ادىرنا» ءتىلشىسى CBS-كە سىلتەمە جاساپ.
«جاقىن ۋاقىتتا ترامپ پەن ءپۋتيننىڭ كەزدەسۋىن وتكىزۋ جوسپارلانىپ وتىرعان جوق»، — دەلىنگەن حابارلامادا.
ەسكە سالايىق، 16 قازاندا پۋتين مەن ترامپ تەلەفون ارقىلى سويلەسىپ، ۋكرايناداعى جاعدايدى تالقىلاعان ەدى. كەيىننەن كوشباسشىلاردىڭ الداعى ەكى اپتا ىشىندە بۋداپەشتتە جەكە كەزدەسۋ وتكىزۋگە كەلىسىمگە كەلگەنىن ايتىلدى، الايدا ناقتى ۋاقىتى بەلگىلەنبەگەن بولاتىن. ال 17 قازاندا ترامپ اق ۇيدە زەلەنسكيمەن جولىققان ەدى.
بۋداپەشتەگى كەزدەسۋ بولا قالسا، زەلەنسكي وعان ءوزىنىڭ دە قاتىسا الاتىنىن مالىمدەگەن.
ال ەۋروپا ەلدەرى بۋداپەشتكە ءپۋتيننىڭ ۇشاعىن وتكىزبەيتىنىن جاريالاعان. ليتۆا ءتىپتى "پۋتينگە ەۋروپادا تەك گااگادا ورىن بارىن" جاريالاعان، حالىقارالىق قىلمىستىق سوتقا مەگزەپ. حالىقارالىق قىلمىستىق سوت پۋتين بارسا، سول ەلدەردى ونى ۇستاپ سوتقا تاپسىرۋعا مىندەتتەگەن. پۋتين تاياۋدا دۋشانبەگە ساپارلاعان كەزىندە حالىقارالىق قىلمىستىق سوت ءپۋتيندى ۇستاماعانى ءۇشىن تاجىكستاندى ايىپتاعان.
