QHR töraǧasy Si Szinpin men Resei prezidentı Vladimir Putin Beijıŋdegı äskeri parad aldynda zamanaui tehnologiialar arqyly ömır süru ūzaqtyǧyn arttyru mümkındıgın talqylady, dep habarlaidy «Adyrna» tılşısı.
Bloomberg agenttıgınıŋ habarlauynşa, Si Szinpin men Vladimir Putinnıŋ äŋgımesınıŋ üzındılerı tıkelei efirge tüsıp qalǧan. Olar KHDR liderı Kim Chen Ynmen bırge Tiananmen qaqpasyna köterılıp bara jatqan sätte äŋgımelesken.
Äŋgıme bır minuttan az uaqytqa sozylyp, kei jerlerınde üzılıp otyrǧan, sondyqtan tek jekelegen üzındıler estılgen. Jazbada Si Szinpin qytai tılınde «bügıngı künı» jäne «70 jas» degen sözderdı aitqany baiqalady.
Sözdı audaryp tūrǧan audarmaşy keiın orys tılınde: «Būryn kei adamdar ǧana 70 jasqa deiın jetetın, al qazır 70 jasta sen älı bala siiaqtysyŋ», – dep jetkızgen.
Putinnıŋ aitqan pıkırı tıkelei efirde anyq estılmegen. Alaida audarmaşynyŋ sözderı jazylyp qalǧan.
«Biotehnologiianyŋ damuynyŋ arqasynda adam aǧzalaryn ünemı auystyruǧa bolady, sonda adamdar jyl ötken saiyn jasaryp, tıptı mäŋgılık ömırge qol jetkıze alady»,—deidı ol.
Mikrofonǧa jazylǧan bır minutqa jetpeitın äŋgıme soŋynda Qytai köşbasşysy: «Boljamdar körsetkendei, 21-ǧasyrda 150 jasqa deiın ömır süru mümkındıgı bar», – deidı.
Qytaiǧa saparynyŋ qorytyndysy boiynşa ötken baspasöz mäslihatynda Vladimir Putin būl taqyryptyŋ Si Szinpinmen talqylanǧanyn rastady.
«Qazırgı sauyqtyru qūraldary, medisinalyq täsılder, sonyŋ ışınde ärtürlı hirurgiialyq ädıster, aǧzalardy auystyruǧa bailanysty mümkındıkter syndy dünieleo adamzatqa belsendı ömırdıŋ bügıngıdei emes, odan da ūzaq jalǧasatynyna ümıt beredı. Ärine, är eldegı ortaşa jas ärtürlı, bıraq soǧan qaramastan ömır süru ūzaqtyǧy aitarlyqtai artady», – dedı ol jurnalisterge.
Aita keteiık, Vladimir Putin men Si Szinpin bügınde 72 jasta. Äzırge ekeuı de yqtimal mūragerlerın ataǧan joq.
