Türkıstan qalasynyŋ äkımı Äzımbek Pazylbekūlynyŋ töraǧalyǧymen qala aumaǧyndaǧy infraqūrylymdyq damu men kögaldandyru jūmystary boiynşa kezektı jiyn öttı.
Jiyn barysynda atqarylǧan jūmystardyŋ esebı tyŋdalyp, aldaǧy josparlar pysyqtaldy.
Biyl Türkıstan qalasy boiynşa kögaldandyru jūmystary 772 gektar aumaqty qamtydy. Onyŋ ışınde 36 saiabaq, 80 skver men alleia, 168 köşe jäne 16 jasyl alqap bar. Qala aumaǧyndaǧy kögal kölemı – 345 gektardy, gülder alqaby – 8 gektardy qūraidy. Josparǧa säikes, jyl soŋyna deiın 238 myŋnan astam aǧaş pen būtalardy egu qarastyrylǧan. Köktemgı mausymda 80 375 tüp aǧaş jäne 67 310 tüp būta otyrǧyzylsa, küzgı kezeŋde qosymşa 134 250 tüp aǧaş pen 129 350 tüp būta egıledı. Sonymen qatar, 128 gektar aiaqjol aumaqtaryna da kögaldandyru jūmystary jürgızılude.
Qalanyŋ negızgı köşelerı – Aeroport tas joly, Qyzylorda tas joly, B.Sattarhanov daŋǧyly, Jaŋa qaladaǧy köşeler men aulalarda ärtürlı aǧaş türlerı otyrǧyzylsa, saiabaq aimaqtaryna 53 myŋnan astam gülder men mausymdyq ösımdıkter egu josparlanǧan.
Negızgı jūmystar qatarynda aǧaştar men būtalardy otyrǧyzumen bırge, gülzarlardy abattandyru jäne «Lavanda alqaby» siiaqty arnaiy jobalardy jüzege asyru bar. Aeroport joly men B.Sattarhanov daŋǧyly qiylysynda ornalasatyn «Lavanda alqabynyŋ» jalpy aumaǧy 21 791 şarşy metrdı qūrap, onda 65 myŋnan astam lavanda gülderı otyrǧyzylmaq.
Jalpy biyl küzgı mausymynda 134 250 aǧaş pen 129 350 būta otyrǧyzu qarastyrylǧan. Qalanyŋ 25 köşesı men 11 demalys nysany aumaǧynda aǧaş otyrǧyzu josparlanuda.
Jiyn barysynda qala basşysy Äzımbek Pazylbekūly jauapty basşylarǧa egılgen köşetterdıŋ kütımın jüielı ūiymdastyrudy, güldendıru men abattandyru jūmystaryn mausymdyq kestege sai jürgızudı qataŋ eskerttı.
Ūqsas jaŋalyqtar
