Qazaqstanda tırkelgen qytailyq kompaniialardyŋ sany 2022 jyldan berı rekordtyq körsetkışpen ösken. Būl turaly Bırınşı kredittık biuro mälımdedı, dep habarlaidy “Adyrna”.
«1 qyrküiek pen 1 qazan aralyǧynda qytailyqtar ielık etetın 307 zaŋdy tūlǧa/filial tırkelıp, olardyŋ jalpy sany 7,1 myŋǧa deiın jettı. Būl kemınde 2022 jyldyŋ qaŋtarynan bergı, iaǧni keiıngı 3,5 jyldaǧy eŋ joǧarǧy ösım. Būl rekord qytai biznesınıŋ Qazaqstandaǧy ülesın qarqyn keŋeitıp jatqanymen tıkelei bailanysty. Tamyryn osy elden alatyn kompaniialardyŋ sany osymen törtınşı ai qatarynan ösıp otyr. Keiıngı 1,5 jylda (2025 jyldyŋ qaŋtar aiynan basqa – 98 kompaniia) ailardyŋ bärınde ai saiyn 100 kompaniia tırkelıp keledı», - dep jazady Bırınşı kredittık biuronyŋ telegram-arnasy.
Qyrküiek aiynda tırkelgen qytailyq kompaniialardyŋ basym bölıgı sauda (+123), qaita öŋdeu önerkäsıbı (+34), basqa qyzmetter (+31) salasyna mamandanǧan.
Būl körsetkış boiynşa Qytaidan keiıngı oryn Özbekstanǧa tiesılı bolyp tūr – qatarǧa 167 kompaniia qosylǧan.
Qytai ailyq körsetkışte bırınşı orynǧa şyqqanymen jalpy Qazaqstandaǧy kompaniialarynyŋ sany boiynşa Resei men Özbekstannan keiın tūrǧanyn aita ketu kerek. Bır aidyŋ ışınde 22 reseilık kompaniia elden ketkenımen, olardyŋ jalpy sany – 23,1 myŋ. Al Özbekstan biznesıne tiesılı kompaniialar sany – 7,4 myŋ.
