Donald Tramp bastaǧan amerikalyq delegasiia Qytaidan ūşar aldynda qauıpsızdık maqsatynda memlekettık sapar kezınde paidalanylǧan barlyq qytailyq gadjetter men rūqsatnamalardy qoqysqa tastaǧan, dep habarlaidy "Adyrna" ūlttyq portaly.
Būl turaly amerikalyq jurnalist Emili Gudin habarlady.
Jurnalistıŋ mälımetınşe, Aq üi qyzmetkerlerı ūşaqqa mıner aldynda delegasiia müşelerınıŋ beidjderın, bır rettık telefondaryn jäne Qytaida qoldanylǧan qūrylǧylaryn jinap, trap maŋyndaǧy qoqys jäşıgıne tastaǧan.
«Qytaida öndırılgen eşqandai zat ūşaq bortyna kırgızılmeidı. Bız jaqyn arada Amerikaǧa ūşamyz», — delıngen jariialanymda.
Mūndai qadam Qytaidyŋ kiberşpionaj salasyndaǧy bedelıne bailanysty qauıpsızdık şaralaryn küşeitu maqsatynda jasalǧany aityldy. AQŞ tarapy elge oralǧannan keiın qandai da bır baqylau qūrylǧylary nemese aqparattyq qauıp töndıruı mümkın tehnikalardyŋ bortqa ötuıne jol bermeudı közdegen.
Sonymen qatar būl qataŋ qauıpsızdık şaralary Qytaidaǧy resmi sapardyŋ saltanatty diplomatiialyq atmosferasymen qarama-qaişy bolǧany atap ötıldı.
Būǧan deiın Si Szinpin men Donald Tramptyŋ Beijıŋdegı kezdesuı kezınde tüsırılım toby men küzet qyzmetı arasynda janjal şyqqany habarlanǧan edı. Oqiǧa kelıssözder bastalar aldynda konferens-zalda bolǧan. Alaida ekı el basşysy būl jaǧdaiǧa aralaspaǧan.
