Áleýmettik jelide Almatydaǵy kópqabatty úılerdiń biriniń 13-qabatynan qulap ketken 12 jastaǵy qyzdyń ólimi týraly aqparat taralýda, - dep habarlaıdy "Adyrna" ulttyq portaly.
Basylymnyń málimetinshe, oqýshy qyz qosymsha sabaqqa barý úshin úıden shyǵyp ketken. Alaıda ol 13 qabatty turǵyn úıge kóterilgen.
Almaty polıııa departamenti qyzdyń ólimin rastady.
«Osy fakti boıynsha Bostandyq aýdandyq polıııa bólimi qylmystyq is qozǵady», - dep habarlady departamenttiń baspasóz qyzmeti.
Sondaı-aq polıeıler ınternette marqum qyzdyń qaýipti «Kógildir kıt» oıynyn oınady degen aqparattyń shyndyqqa janaspaıtynyn atap ótti.
«Qaıtys bolǵan balanyń qaýipti oıyndar oınap, óz-ózine qol jumsaý týraly jazba qaldyrǵany týraly áleýmettik jelilerde taraǵan aqparattyń shyndyqqa janaspaıtynyn habarlaımyz, Almaty qalalyq polıııa departamenti kez kelgen adam jalǵan aqparat taratqany úshin qylmystyq jaýapkershilikke tartylatynyn eskertedi», - dep habarlady baspasóz qyzmeti.
