Onlain kezdesude qaramaǧyndaǧy qyzmetkerlerımen dörekı söilesken «QTJ-Jük tasymaly» JŞS bas direktorynyŋ orynbasary Asan Ümbetov jaŋa qyzmetke taǧaiyndaldy. Endı ol serıktestıktıŋ bas direktory mındetın atqarady, dep habarlaidy «Adyrna» tılşısı.
«Qazaqstan temır joly» men enşıles kompaniialarda basqaru komandasyn odan ärı küşeitu jäne qyzmet tiımdılıgın arttyru maqsatynda kadrlyq taǧaiyndaular jüzege asyryldy. «QTJ-Jük tasymaly» JŞS bas direktory (Basqarma töraǧasy) bolyp Asan Ümbetov taǧaiyndaldy»,—delıngen habarlamada.
Eske salaiyq, būǧan deiın temırjolşylardyŋ onlain jinalysynda Ümbetovtyŋ jūmysşylarǧa dörekı sözder aitqan videosy jelıge tarap ketken edı. Būl jaǧdai qoǧamda rezonans tudyrdy. Bıreuler ony synasa, keibırı qoldau körsettı. Keiınnen Asan Ümbetovke eskertu berılgenı belgılı boldy.
