Qaraǧandy oblysyndaǧy temırjol ötkelınde elektrovoz būzylyp, saldarynan maşinist pen onyŋ kömekşısı 27 myŋ volttyq joǧary kerneulı tok soqqysyn aldy, dep habarlaidy "Adyrna" tılşısı.
Jaraqat alǧan temırjolşylardyŋ jaqyndary basşylyq jauapkerşılıktı zardap şekkenderdıŋ özıne audarǧysy keledı dep qauıptenetını turaly aqparat tarady.
BAQ-ta jariialanǧan mälımet boiynşa, sol keşte elektrovoz ısten şyǧyp, maşinistke 20 minut ışınde aqaudy joiyp, poiyzdy joldan alyp tastau turaly būiryq berılgen. Artynda basqa da qūramdar kele jatqan.
Maşinist Erjan Qoimanov tokqa tüsken sätte, onyŋ kömekşısı Berdıǧali Ǧabdullin kiımınen tartyp qūtqarmaq bolǧan kezde özı de tokqa tüsken.
Tuystarynyŋ sözınşe, zardap şekkenderdı sanitarlyq aviasiiamen bırden Qaraǧandyǧa jetkızbegen. 16 jyldyq ötılı bar maşinist denesınıŋ 50%-yn, al onyŋ kömekşısı 15%-yn küiık şalǧan.
Qaraǧandy oblystyq travmatologiialyq qyzmetı jaǧdaiǧa bailanysty tüsınıkteme berdı.
«Bır pasient kombustiologiia bölımıne gospitalizasiialandy, jaǧdaiy ortaşa auyr, tūraqty. Ekınşı pasient jansaqtau bölımınde, jaǧdaiy auyr», – dedı jaǧdailyq ortalyq basşysy Kseniia Dereviaşkina.
«QTJ – Jük tasymaly» JŞS baspasöz qyzmetı resmi tergep-tekseru bastalǧanyn habarlady. Oqiǧanyŋ sebepterı men män-jaiyn Qaraǧandy oblystyq Eŋbek inspeksiiasy anyqtap jatyr.
