Jiyn barysynda bank mamandary azamattarǧa tūrǧyn üidı böludıŋ jaŋa tärtıbın tanystyryp, berıletın jeŋıldıkter men basymdyqtarǧa toqtaldy. Atap aitqanda, endı jalǧa berıletın jäne kredittık tūrǧyn üilerdı bölu kezınde tūrǧyn üi qorynyŋ 70 paiyzy bırınşı kezektegı qūqyqqa ie äleumettık osal toptarǧa berıletın bolady. Būl jüie eŋ aldymen baspanaǧa mūqtaj azamattardy qoldauǧa baǧyttalǧan.
Bırınşı kezektegı qūqyq berıletın sanattarǧa Ūly Otan soǧysynyŋ ardagerlerı, jetım balalar, köpbalaly analar men köpbalaly otbasylar, I jäne II toptaǧy mügedektıgı bar azamattar, mügedek balalary bar otbasylar, basqa memleketter aumaǧyndaǧy äskeri qimyldarǧa qatysuşylar, jeŋıldıkterı boiynşa ŪOS ardagerlerıne teŋestırılgen ardagerler jäne jesırler jatady.
Mäjılıs barysynda qatysuşylarǧa baǧdarlamanyŋ negızgı şarttary, ötınım beru tärtıbı men qūjattardy tapsyru joldary jan-jaqty tüsındırıldı. Sonymen qatar tūrǧyndardyŋ kökeiınde jürgen sūraqtarǧa jauap berılıp, aldaǧy uaqytta tūrǧyn üige qol jetkızu mümkındıkterı jaily tolyq aqparat aityldy.
Ūqsas jaŋalyqtar
