Qazaqstan Prezidentı Qasym-Jomart Toqaevtyŋ ökımımen Aleksei Soi Memleket basşysynyŋ äleumettık mäseleler jönındegı keŋesşısı lauazymyna taǧaiyndaldy, dep habarlaidy "Adyrna" ūlttyq portaly.
Būl turaly resmi aqparat Aqordanyŋ baspasöz qyzmetı arqyly jariialandy.
«Memleket basşysynyŋ ökımımen Aleksei Vladimirovich Soi Qazaqstan Respublikasy Prezidentınıŋ äleumettık mäseleler jönındegı keŋesşısı lauazymyna taǧaiyndaldy», – delıngen habarlamada.
Aleksei Soi 1977 jyldyŋ 2 säuırınde Şymkent qalasynda düniege kelgen. Ol Oŋtüstık Qazaqstan memlekettık medisina akademiiasyn, Qazaqstan memlekettık medisina akademiiasynyŋ aspiranturasyn, sondai-aq Resei Prezidentı janyndaǧy Halyq şaruaşylyǧy jäne memlekettık qyzmet akademiiasynyŋ joǧary korporativtık basqaru mektebın tämamdaǧan.
Ol mansabyn hirurg-endoskopist retınde bastaǧan.
Soi är jyldary Prezident Is basqarmasy Medisinalyq ortalyǧynyŋ basşysy, densaulyq saqtau vise-ministrı, ärı keiın densaulyq saqtau ministrı qyzmetterın atqarǧan.
2022 jyldyŋ 31 qazanynan bastap Prezident Is basqarmasy Medisinalyq ortalyǧyn basqarǧan Aleksei Soi endı äleumettık saiasat baǧytynda Memleket basşysynyŋ keŋesşısı retınde jūmysyn jalǧastyrady.
