Belgılı käsıpker Raiymbek Batalov Qazaqstan Prezidentınıŋ käsıpkerlıktı damytu mäselelerı jönındegı ştattan tys keŋesşısı qyzmetıne taǧaiyndaldy, dep habarlaidy "Adyrna" ūlttyq portaly.
Raiymbek Batalov būǧan deiın "Atameken" ūlttyq käsıpkerler palatasynyŋ prezidium töraǧasy qyzmetın atqarǧan. Ol būl ūiymdy 2022 jylǧy aqpannan 2026 jylǧy qaŋtarǧa deiın basqarǧan.
Jaŋa qyzmetınde Batalov otandyq käsıpkerlıktı qoldau, biznes-klimatty jaqsartu jäne jeke sektordyŋ damuyna qatysty mäseleler boiynşa Prezidentke keŋes beredı.
Raiymbek Batalov – Qazaqstandaǧy eŋ yqpaldy käsıpkerlerdıŋ bırı. Ol Raimbek Group holdingınıŋ iesı jäne direktorlar keŋesınıŋ töraǧasy. Holding qūramyna Raimbek Agro, Raimbek Bottlers Group jäne Pure Pack kompaniialary kıredı. Batalov FMCG jäne investisiia salasynda tabysty jūmys ıstep keledı.
Sonymen qatar, onyŋ eŋbek joly öndırıs pen basqarudyŋ türlı salalaryn qamtidy: "Ridder İnvest" metallurgiialyq keşenı, "Novodjambul fosfor zauyty", Tobyl elevatory, Merkı qant zauyty jäne Şymkent JEO-3 käsıpornyn basqarǧan. 1992 jyldan bastap "Raimbek" sauda firmasyn qūryp, Raimbek Group holdingın damytqan.
Raiymbek Batalov käsıpkerlık pen qoǧamdyq instituttardy damytuǧa baǧyttalǧan bırneşe maŋyzdy qūrylymdarda qyzmet atqarǧan.
Ol 2002 jyly Qazaqstan käsıpkerlerı forumynyŋ keŋesın basqarǧan, 2005 jyly Şanhai yntymaqtastyq ūiymynyŋ Iskerlık keŋesıne jetekşılık ettı, 2007 jyly Parlament mäjılısı janyndaǧy qoǧamdyq palata müşesı, 2009 jyly Qazaqstan suasty sporty federasiiasynyŋ prezidentı, 2010 jyly premer-ministr töraǧalyq etetın Bıryŋǧai üilestıru keŋesı men prezident janyndaǧy käsıpkerlık jönındegı keŋestıŋ müşesı bolsa, 2012 jyly Euraziialyq ekonomikalyq komissiianyŋ Käsıpkerlık mäselelerı jönındegı konsultativtık komitetınıŋ sarapşysy, 2015 jyldan – Enactus Kazakhstan direktorlar keŋesınıŋ töraǧasy, Qazaqstan velosport federasiiasynyŋ bırınşı vise-prezidentı qyzmetın atqarǧan.
Al 2017 jyldan Aziia velosport konfederasiiasynyŋ vise-prezidentı, 2022 jyly prezident janyndaǧy reformalar jönındegı joǧary keŋestıŋ müşesı, "Damu" käsıpkerlıktı damytu qory direktorlar keŋesınıŋ müşesı jäne prezident janyndaǧy ūlttyq qūryltai müşesı boldy.
Raiymbek Batalov jaŋa qyzmetınde otandyq biznes pen jeke sektordyŋ damuyna baǧyttalǧan strategiialyq şeşımder qabyldauǧa yqpal etetın bolady.
