Qazaqstan Respublikasynyŋ Jasandy intellekt jäne sifrlyq damu ministrlıgı men Oracle kompaniiasy jasandy intellekt, joǧary önımdı esepteuler jäne «būltty» tehnologiialar salalaryndaǧy yntymaqtastyqty damytuǧa baǧyttalǧan özara tüsınıstık turaly memorandumǧa qol qoidy.
Qol qoiu räsımı Vaşingtonda AQŞ - Ortalyq Aziia elderı arasyndaǧy öŋırlık yntymaqtastyqty keŋeitu, ekonomikalyq jäne tehnologiialyq damudy qoldauǧa baǧyttalǧan C5+1 formatyndaǧy biznes-konferensiia barysynda öttı.
Memorandum aiasynda taraptar Qazaqstanda Oracle kompaniiasynyŋ pilottyq Jİ-infraqūrylymyn ornalastyru mümkındıgın baǧalauǧa jäne tiıstı testıleuler jürgızuge qoldau körsetu, būltty derekter ortalyqtaryn kezeŋ-kezeŋımen damytu äleuetın zertteu, sondai-aq qoldanbaly jasandy intellekt boiynşa pilottyq jobalardy jüzege asyru baǧytynda yntymaqtastyq ornatudy josparlap otyr.
Sondai-aq yntymaqtastyq aiasynda kadrlyq äleuettı damytuǧa baǧyttalǧan arnaiy oqu jäne sertifikattau baǧdarlamalary, bırlesken ǧylymi-zertteu jobalary, Qazaqstanda Oracle qūzyretter ortalyǧyn qūru mäselelerı qarastyryluy mümkın. Taraptar jasandy intellektını damytudaǧy retteu jäne etikalyq mäseleler boiynşa dialogty jalǧastyruǧa niettı.
Jaslan Mädiev, Qazaqstan Respublikasy Premer-ministrınıŋ orynbasary – Jasandy intellekt jäne sifrlyq damu ministrı:«Oracle kompaniiasymen yntymaqtastyq Qazaqstannyŋ ūlttyq jasandy intellekt infraqūrylymyn jäne sifrlyq ekojüiesın damytuǧa yqpal etedı. Būl elımızdıŋ sifrlyq ekonomikasyn qalyptastyru üşın berık negız qūru jäne tehnologiialyq innovasiialardy ılgerıletu jönındegı bızdıŋ ūstanymymyzdy körsetedı».
Ellison O’Braien, Oracle kompaniiasynyŋ memlekettık organdarmen jūmys jönındegı basqaruşy direktory: «Oracle Qazaqstannyŋ jasandy intellektıge qatysty ūlttyq strategiiasyn ıske asyrudy qoldauǧa daiyn. Bızdıŋ tehnologiialar men saraptamalyq täjıribemız sifrlyq transformasiiany jedeldetuge jäne ärtürlı salalarda innovasiialardy yntalandyruǧa kömektesedı».
