Aqtaý portynda Kaspıı teńizinde qazaqstandyq munaıdy tasymaldaıtyn «Taraz» jáne «Lıva» eki tankerin saltanatty túrde qabyldaý rásimi ótti, dep habarlaıdy "Adyrna" ulttyq portaly. Bul týraly «QazMunaıGaz» (QMG) baspasóz qyzmeti málimdedi.
Dedveıti 8 myń tonna bolatyn kemeler Abý-Dabı porttary tobymen (ADP) yntymaqtastyq aıasynda ótken jazda satyp alyndy. Qazir olar «Caspian Integrated Maritime Solutions Ltd» birlesken kásipornynyń ıeliginde, onyń akıonerleri «Qazteńizkólikfloty» (QMG enshiles kásiporny) jáne International Maritime Investments Ltd (ADP enshiles kásiporny) bolyp tabylady.
Kemeler gollandııalyq Damen konerniniń keme jasaý zaýytynda jasalǵan. Olardyń uzyndyǵy – 140 m, eni – 16,7 m, tartylýy – 4,2 m, jyldamdyǵy – 10 túıin. Tankerler barlyq halyqaralyq qaýipsizdik standarttaryna jáne ekologııalyq talaptarǵa sáıkes keledi. Olardy 2023 jyldyń jeltoqsan aıynda paıdalanýǵa berý josparlanýda.
«Jańa tankerlerdi alý arqyly biz Transkaspıı baǵytyn damytýda mańyzdy qadam jasadyq. Osy oraıda men strategııalyq seriktesimiz ADP-ke birlesken jobany sátti júzege asyrǵany úshin alǵysymdy bildirgim keledi. Jańa tankerler álemdik logıstıkalyq naryqqa óz qyzmetterin ilgeriletý boıynsha aýqymdy maqsattary bar CIMS birlesken kásipornymyzdyń munaı parkin keńeıtýge jol ashady», - dep atap ótti qabyldaý rásiminde «QazMunaıGaz» basshysy Maǵzum Mırzaǵalıev.
«Biz múmkindiginshe kemeler sanyn kóbeıtemiz», - dedi ADP tóraǵasy Muhammed Djýma Ál Shamısı. «Biz kapıtandar men ınjenerler arasynda tájirıbe almasý turǵysynan Qazaqstanmen jumys isteýge nıettimiz» dep qosty ol.
Qazirgi ýaqytta ár kemeniń ekıpajy 13 adamnan turady. Mundaǵy mamandar negizinen Qazaqstannan jumys isteıdi.
Sońǵy 20 jylda Qazaqstannan munaı tasymaldaý KQK (Kaspıı qubyr konsorıýmy) qubyry arqyly Reseıdiń Novorossıısk qalasyna jetkizildi. Ol arqyly orta eseppen táýligine 1,3-1,4 mln barrel munaı ótken. Bul qazir qazaq munaıynyń negizgi eksporttyq joly. Sońǵy ýaqytqa deıin ol aqaýsyz jumys istedi, biraq sońǵy birneshe jylda júıe ártúrli syrtqy faktorlarǵa, sonyń ishinde 2021 jyldyń tamyzyndaǵy munaı tógilý apatyna, TPM-niń zaqymdalýyna jáne akvatorııany tekserýge baılanysty sorǵy shekteýlerine tap boldy. Bir kún buryn KQK qatty daýylǵa baılanysty Novorossıısk mańyndaǵy teńiz termınalynan munaı tasymaldaýdy toqtatty.
Bir jyl buryn Qazaqstan prezıdenti Qasym-Jomart Toqaev munaı jetkizilimderin ártaraptandyrýǵa shaqyrdy, al 2023 jyldyń naýryzynda Qazaqstandyq shıkizatty Aqtaý-Baký-Tbılısı-Djeıhan baǵyty boıynsha Reseı Federaııasyn aınalyp ótip, jyldyq kólemi 1,5 mıllıon tonna kóleminde tasymaldaý bastaldy. Qazaqstan men Ázirbaıjan munaıdy Aqtaý-Baký teńiz joly boıynsha parıtettik negizde tasymaldaıdy. Jańa tankerler qazaqstandyq taraptyń jylyna 750 myń tonna munaı tasymaldaý jónindegi mindettemelerin tolyǵymen óteıdi dep kútilýde.
