İran men İzraildegı qaqtyǧystarǧa bailanysty qaza tapqandar men zardap şekkender arasynda qazaqstandyqtar joq. Būl turaly Qazaqstan Respublikasy Syrtqy ıster ministrlıgınıŋ resmi ökılı Aibek Smadiiarov mälımdedı, dep habarlaidy "Adyrna".
«Qaza tapqandar men zardap şekkenderdıŋ arasynda Qazaqstan azamattary joq. (…) Bızdegı mälımetterge säikes, qazırgı uaqytta İranda 132, al İzrailde 219 Qazaqstan azamaty bar. Azamattarymyzdan asa qajettılıksız tūrǧylyqty jerınen şyqpauǧa jäne qauıpsızdık şaralaryn küşeituge şaqyramyz», – dedı Smadiiarov düisenbı künı ötken SIM brifingınde.
Sondai-aq ol soŋǧy künderı Syrtqy ıster ministrlıgı İrannan Qazaqstan azamattaryn elge qaitaruǧa kömekteskenın atap öttı. Atap aitqanda, 74 azamat İrannan Äzerbaijan men Türıkmenstan arqyly şyǧarylǧan.
«Qazırgı uaqytta azamattar men diplomattardy evakuasiialau josparda joq», – dep qosty ministrlık ökılı.
