Almatyda kölık qozǧalysyn retke keltıru jäne joldaǧy keptelısterdıŋ aldyn alu maqsatynda bırneşe jol qiylysyna jaŋa jol taŋbasy — «vafelnisa» syzyldy, dep habarlaidy "Adyrna" ūlttyq portaly QazAqparatqa sıltep.
Almaty polisiia departamentınıŋ mälımetınşe, būl taŋba Abai – Nazarbaev, Abai – Momyşūly jäne Töle bi – Rozybakiev köşelerınıŋ qiylystarynda paida bolǧan.
«Vafeldı» taŋbanyŋ negızgı maqsaty — jürgızuşılerge qiylys bos bolmasa, oǧan kıruge bolmaitynyn eskertu. Mūndai belgı Qazaqstan Respublikasynyŋ jol qozǧalysy qaǧidalarynda bar jäne kölık aǧynyn tiımdı basqaruǧa baǧyttalǧan.
— Būl şara jiı kezdesetın jasandy keptelısterdı azaituǧa baǧyttalǧan. Mūndai jaǧdailar köbınese jürgızuşılerdıŋ bos emes qiylysqa şyǧuynan tuyndaidy. Jaŋa taŋba kölık qozǧalysyn rettep, jol qauıpsızdıgın arttyruǧa kömektesedı, — dedı Almaty PD Äkımşılık polisiia basqarmasynyŋ bastyǧy Ashat Qūlbaev.
Aita keteiık, būǧan deiın Almaty äkımdıgı qaladaǧy kölık jüktemesın azaitu üşın jūmys uaqytynyŋ kestesın özgertu, sondai-aq qaşyqtan jūmys ısteu formatyn keŋeitu siiaqty şaralardy qolǧa alǧan bolatyn.
